استانادا 2024 جىلعى 8-13 قىركۇيەك ارالىعىندا 5ء-شى دۇنيەجۇزىلىك كوشپەندىلەر ويىندارى وتەدى. جارىسقا الەمنىڭ 89 ەلىنەن 2 مىڭنان استام ادام قاتىسادى. استانانىڭ بارلىق اۋدانىندا الداعى دۇنيەجۇزىلىك كوشپەندىلەر ويىندارىنا قىزۋ دايىندىق ءجۇرىپ جاتىر، دەپ حابارلايدى ەلوردا اكىمدىگىنىڭ رەسمي سايتى.
دايىندىق اياسىندا ەلوردا اۋقىمدى ءىس-شارانىڭ ەرەكشەلىگىن بەينەلەيتىن شاعىن ساۋلەت نىساندارىمەن بەزەندىرىلگەن.
قالانىڭ ءتۇرلى اۋماعىندا مۇسىندەر، ساندىك قۇرىلىمدار مەن قوندىرعىلاردى قامتيتىن شاعىن ارحيتەكتۋرالىق فورمالار ورناتىلعان. بۇل ەلەمەنتتەر كوشپەلى حالىقتاردىڭ مادەني مۇراسىن، ولاردىڭ داستۇرلەرى مەن ادەت-عۇرىپتارىن كورسەتەدى. كيىز ۇيلەر، جىلقىلار، سونداي-اق تاريحي جانە ميفولوگيالىق بەينەلەر سياقتى كوشپەلى مادەنيەتكە ءتان سيمۆوليزمگە ەرەكشە نازار اۋدارىلادى.
ءتۇرلى ينستاللياسيالار نۇرا اۋدانىنداعى ورتالىق ساياباقتا، عاشىقتار ساياباعىندا، «ازيا پاركى» سوو جانىندا، «قازانات» يپپودرومىنىڭ اۋماعىندا ورناتىلادى، وندا ءبىرقاتار جارىس وتكىزىلەدى.
سارىارقا اۋدانىندا تەمىرجول ۆوكزالىندا، «تەاتر» الاڭىندا جانە «Radisson» قوناق ءۇيىنىڭ جانىندا ارنايى تاقىرىپتاعى شاعىن ساۋلەت نىساندارى ورناتىلعان.
الماتى اۋدانىندا «نۇرلى جول» ۆوكزالىنىڭ اۋماعىندا ينستاللياسيا ورناتىلدى.
ەسىل اۋدانىندا شاعىن ساۋلەت نىساندارى «استانا-بايتەرەك» مونۋمەنتىنىڭ جانىندا، تريۋمف اركاسىنىڭ جانىندا، بوتانيكالىق باقتا، جەلەكجولدا جانە حالىقارالىق اۋەجايدا ورنالاسقان.
بايقوڭىر اۋدانىندا بەس شاعىن ساۋلەت نىسانى ورناتىلدى، تاعى ەكەۋىنىڭ ورناتىلۋى جوسپارلانۋدا.
سپورت جارىستارى مەن مادەني ءىس-شارالارعا 100 مىڭنان استام تۋريست كەلەدى دەپ كۇتىلىپ وتىر.
مەملەكەت باسشىسى قاسىم-جومارت توقايەۆ تۋريزم جانە سپورت ءمينيسترى ەرمەك مارجىقپايەۆتى قابىلدادى، دەپ حابارلايدى Ulys اقورداعا سىلتەمە جاساپ.
ەرمەك مارجىقپايەۆ پرەزيدەنتكە قازاقستان قۇراماسىنىڭ ءحححىىى جازعى وليمپيادا ويىندارىنا دايىندىعى تۋرالى ەسەپ بەرگەن.
دەرەككوزگە سۇيەنسەك، قازاقستان ۇلتتىق قۇراماسى سپورتتىڭ 25 تۇرىنەن 92 ليسەنزيا يەلەنگەن. پاريجدە بارلىعى 80 سپورتشى ەل نامىسىن قورعايدى.
«مەملەكەت باسشىسى وليمپيادا ويىندارىنىڭ سپورتشىلارىمىزعا زور جاۋاپكەرشىلىك جۇكتەيتىنىن اتاپ ءوتتى. سونداي-اق قازاقستان قۇراماسى الەم الدىندا مادەنيەتتى، ۇستامدى ءارى وزىق ۇلگىلەرىمەن ەرەكشەلەنۋگە ءتيىس ەكەنىنە نازار اۋداردى»، - دەلىنگەن حابارلامادا.
قازاقستاندىق پارا سپورتشى ەركىن عابباسوۆ پاراليمپيادا ويىندارىنىڭ كۇمىس جۇلدە الدى، دەپ حابارلايدى Ulys پاراليمپيادالىق كوميتەتكە سىلتەمە جاساپ.
فينالدا R1 كلاسسىندا ۆينتوۆكامەن 10 مەترگە پارا نىسانا كوزدەۋدەن سىنعا تۇسكەن وتانداسىمىز 247.7 ۇپاي جيناپ، كۇمىس جۇلدە جەڭىپ الدى.
التىن مەدالدى 249.4 ۇپاي جيناعان كورەيا سپورتشىسى پارك دج، ال قولا مەدال 226 ۇپاي جيناعان دانيا ەلىنىڭ سپورتشىسى ەنشىلەدى.
قازاقستاندىق داۆيد دەگتياريەۆ پاريجدەگى پاراليمپيادا ويىندارىنىڭ چەمپيونى اتاندى، دەپ حابارلايدى Olympic.kz.
ول پاۋەرليفتينگتەن 54 كەلىگە دەيىنگى سالماق دارەجەسىندە توپ جاردى. ونىڭ ەڭ ۇزدىك ناتيجەسى – 188 كەلى.
ايتا كەتەلىك، دەگتياريەۆ ءوز مانسابىندا ەكىنشى رەت پاراليمپيادا ويىندارىندا جەڭىسكە جەتىپ وتىر. بۇعان دەيىن ول توكيوداعى پارا ويىنداردا توپ جارعان ەدى.
قازاقستان قۇراماسىنىڭ ەنشىسىندە ەكى مەدال بار. بۇعان دەيىن مەرگەن ەركىن عابباسوۆ كۇمىس جۇلدە ەنشىلەگەن.
