ۇستاز ماربەبەسىن كوتەرۋ قازىرگى كەزدە مەملەكەت باسشىسى ۇنەمى ايتىپ، ءتيىستى تاپسىرما جۇكتەگەن ماڭىزدى باعىتتاردىڭ ءبىرى. سەبەبى ۇستاز مارتەبەسى – ۇلتتىڭ بولاشاعىمەن تىكەلەي بايلانىستى. وسى رەتتە مەملەكەت باسشىسى قاسىم-جومارت توقايەۆتىڭ باستاماسىمەن مۇعالىمدەر ءۇشىن بىرنەشە ماڭىزدى قادامدار جاسالعانىن اتاپ وتكەن ورىندى. ەندى سولارعا توقتالساق.
ءبىرىنشى، مۇعالىمدەردىڭ جالاقىسىن ايتارلىقتاي ءوستى. 2020 جىلدان باستاپ پەداگوگتاردىڭ جالاقىسى 25%-عا ءوستى، ال 2023 جىلى تاعى دا ەكى ەسەگە كوبەيدى.
ەكىنشى، «پەداگوگ مارتەبەسى تۋرالى» جاڭا زاڭ قابىلداندى.
ۇشىنشىدەن، مۇعالىمدەردىڭ بىلىكتىلىگىن ارتتىرۋعا ارنالعان بىرنەشە باعدارلامالار ەنگىزىلدى جانە مۇعالىمدەردىڭ اكىمشىلىك جۇكتەمەسىن ازايتۋ باعىتىندا ءتيىستى شارالار قابىلداندى. بۇل تۋرالى پرەزيدەنت بىلتىر قازان ايىندا وتكەن پەداگوگتەر سەزىندە ءوزى دە ايتىپ كەتتى.
«مەنىڭ باستاماممەن 2019 جىلى «پەداگوگ مارتەبەسى تۋرالى» جەكە زاڭ قابىلداندى. سوڭعى ءتورت جىلدا ۇستازداردىڭ جالاقىسى 2 ەسە ءوستى. جاقىندا بالاباقشا تاربيەشىلەرىنىڭ ايلىعى 30 پايىزعا كوبەيدى. ۇستازداردىڭ ەڭبەك دەمالىسى ۇزارتىلدى. ءمۇعالىمنىڭ مىندەتىنە كىرمەيتىن ارتىق جۇمىستىڭ ءبارى الىنىپ تاستالدى. ۇستازداردىڭ كاسىبي بىلىكتىلىگىن ارتتىرۋ ماسەلەسىنە باسا ءمان بەرىلىپ جاتىر. «بولاشاق» باعدارلاماسىمەن ءۇش جىلدا 220-عا جۋىق پەداگوگ شەتەلدە وقىپ كەلدى. ءمۇعالىم ماماندىعىن تاڭداعان جاستارعا قويىلاتىن تالاپ كۇشەيدى. وسى سالاداعى ستۋدەنتتەردىڭ ستيپەندياسى 2،5 ەسە كوبەيدى. ءبىر سوزبەن ايتقاندا، ءبىز، ەڭ الدىمەن، بىلىكتى ۇستاز دايارلاۋ ىسىنە ايرىقشا ءمان بەرىپ وتىرمىز»، – دەدى قاسىم-جومارت توقايەۆ 2023 جىلى 5 قازاندا وتكەن سەزدە سويلەگەن سوزىندە.
وقۋ-اعارتۋ مينيسترلىگىنىڭ دەرەگى بويىنشا، ەلىمىزدىڭ مەكتەپتەرىندە 340 958 ءمۇعالىم جۇمىس ىستەيدى. ونىڭ 274 مىڭى – ايەلدەر، 66 مىڭى – ەر ادامدار.
احمەت بايتۇرسىنۇلىنىع «ءبىز ەلدى تۇزەۋدى بالا وقىتۋ ءىسىن تۇزەۋدەن باستاۋىمىز كەرەك» دەگەن تامىلىمەن ايتساق، ۇستازداردىڭ بىلىگى مەن ءبىلىمىن كوتەرۋ، ولارعا دامۋى مەن دۇرىس جۇمىس جاساۋىنا جان-جاقتى قولداۋ جاساي بەرۋىمىز ءتيىس. تاعى دا الاش قايراتكەرى ماعجان جۇمابايەۆشا ايتساق «التى الاشتىڭ بالاسىنىڭ باسى قوسىلسا، ءتور مۇعالىمدىكى بولۋ كەرەك». سوندىقتان دا ءبىز ايتىپ وتىرعان ءمۇعالىم مارتەبەسىن كوتەرۋ جۇمىستارى ۇنەمى جۇيەلى جۇرگىزىلە بەرۋى ءتيىس.