قازاقستاندىق شورت-ترەكشى ابزال اجىعالييەۆ وليمپياداعا دەيىن قانداي كەدەرگىلەرگە تاپ بولعانى تۋرالى ءوزىنىڭ جەلىدەگى پاراقشاسىندا جازدى.
1.مۇز ايدىنى. الاۋ قازىردە شورت-ترەكشىلەردىڭ جاتتىعۋىنا ساي كەلەتىن قازاقستانداعى جالعىز مۇز ايدىنى. ءبىراق بىزگە وندا تۇراقتى دايىندالۋعا مۇمكىندىك بەرىلمەيدى، ءبىز سوندىقتان امال جوق ەۋروپاعا نەمەسە رەسەيدە جاتتىعۋعا شىعامىز. الاۋدا بارلىعى يدەالنو بولعانىمەن ول ۇلتتىق قۇراماعا ارنالماعان. بىزگە كەمىندە كۇنىنە تاڭەرتەڭ جانە كەشكە ەكى ساعاتتان كەرەك. ءبىراق مۇز سارايى جەكەمەنشىك بولعاندىقتان بارلىعى اقشاعا كەلىپ تىرەلەدى. ال ۇلتتىق قۇرامالاردا ونداي اقشا جوق. بىزدە وندا ارنايى ورىن قاراستىرىلماعان، ءتىپتى جاتتىعۋ كەزىندە زاتتارىمىزدى تاستاپ كەتەتىن ارنايى كيىم اۋىستىراتىن جەر دە تابىلمايدى. پەكين وليمپياداسىنىڭ الدىندا ءبىز الاۋدا دايىندالدىق. ءبىراق بىزگە مۇز تەك وليمپيادا الدىندا ەمەس، ۇنەمى كەرەك.
ايتپاقشى، مۇز تەك ۇلتتىق قۇرامادا ەمەس، جاستار مەن جاسوسپىرىمدەردە دە قاراستىرىلماعان. ءبىزدىڭ سپورت بويىنشا، ناقتى ءبىزدىڭ سپورتىمىز ءۇشىن باستى پروبلەما وسى. بارلىعى مەدال سۇرايدى. ال بىزدە ءتىپتى قىسقى سپورت تۇرلەرىنە ارنالعان بازا دا جوق. ال جانكۇيەرلەر مۇنداي سپورتتىڭ بارىنان ءتىپتى حابارسىز.
2. ءار وڭىردە مۇز سارايلارى سالىنعان. ءبىراق ولاردىڭ ەشقايسىسى شورت-ترەكشىلەردىڭ جاتتىعۋىنا جارامايدى. ءتىپتى، الماتىداعى دا. ماتتىڭ ورنىنا بارلىق جەرگە بورت ورنالاستىرىلعان. مۇندايدا بىزگە جاراقات الىپ قالۋ ءقاۋىپى وتە جوعارى. الماتىنىڭ مۇز الاڭدارىنداعى جاعداي دا الاۋداعىداي. بوس ۋاقىت جوق، اقشا جوق…
3. بىزگە كەرەكتى قۇرال جابدىقتاردى تەك زاڭدا رۇقسات ەتىلگەن شامادا عانا الىپ بەرەدى. ينۆەنتار الۋدى ءبىز ءۇشىن مۇزدان كەيىنگى ۇلكەن ماسەلە دەپ ايتار ەدىم. ءدال وسىنداي پروبلەماعا توكيونىڭ الدىندا ساداقشىلار دا تاپ بولدى. وسى پروبلەما بارلىق سپورتشىنىڭ باسىنان وتەدى جانە سپورتشىلار ءاردايىم وسىنى ايتىپ كەلەمىز. ءبىراق وعان مينيسترلىك نەمەسە باسقارمالار ءمان بەرىپ وتىرعان جوق. كوڭىل اۋدارسا دا تەك وليمپيادانىڭ الدىندا ەسىنە الادى. كاسىبي سپورتقا تەك وليمپيادا كەزىندە ەمەس، ۇنەمى، تۇراقتى نازار اۋدارىپ، جۇمىس ىستەپ وتىرۋ كەرەك. ءبىزدىڭ سپورت ءۇشىن ۆەلوجاتتىعۋلار وتە ماڭىزدى. وعان ۆەلوستانوك، ۆەلوسيپەد، كونكيىمىزدى قارايتىن گەيچ پەن كۇش ولشەيتىن تەحنيكالار كەرەك. بارلىق ەلدىڭ كوماندالارى اتالعاندارمەن تولىق قامتاماسىز ەتىلگەن، ءبىز ولاردى ونسىز دا جەڭىپ ءجۇرمىز. ءبىراق بىزگە بەرىلگەن ۋادە، ۋادە كۇيىندە قالادى. ءاردايىم اڭگىمە ينۆەنتارعا كەلىپ تىرەلگەندە گوسزاكۋپتىڭ پروسەستەرىنە بايلانىستى كەشىكتىرىلىپ جاتىر دەپ سىلتاۋراتادى. حالىقارالىق جاتتىعۋلار ءبىزدىڭ جابدىقتارىمىز جوق دەپ توقتاپ تۇرمايدى عوي. ناتيجەسىندە ءبىزدىڭ مەحانيكتەر ءوز قالتالارىنان اقشا شىعارىپ، كونكيگە ارنالعان زاپچاستاردى ساتىپ اپەرەدى. نەمەسە ءبىز “زاڭدا رۇقسات ەتىلمەگەن” دەپ ايتقان سوڭ كەيبىر قۇرالداردى ءوز اقشامىزعا جيناپ الۋعا تۋرا كەلەدى. سەبەبى، ءبىز ينۆەنتار جوق نەمەسە جەتپەيدى دەپ ءبىر جارىسقا قاتىسپاي قويا المايمىز. ءبىزدىڭ جارىستار تەندەر قاشان وتەتىنىن كۇتىپ وتىرمايدى. بۇل تەك بيىل ەمەس، جىلدا قايتالاناتىن نارسە.
4.ماعان وبلىستىق سپورت باسقارماسى وسىعان دەيىن بىرنەشە رەت ۆەلوسيپەدتى الىپ بەرەمىز دەپ ۋادە بەردى. ءقازىر ەندى سۇراسام تىم قىمبات دەگەندە، حوتياب ستانوك الىپ بەرۋلەرىن سۇرادىم. وزىمشە سپونسورلارعا وسى ءوتىنىشىمدى ايتىپ كورىپ ەدىم، ول دا جاۋاپسىز قالدى. بىزدە سپورتتى دامىتۋ كەرەك دەپ كوپ ايتادى. ءبىراق انا جولى ايتقانىمداي، قىسقى سپورت ۇنەمى جازعى سپورتتىڭ تاساسىندا قالىپ قالادى. قىسقى سپورت ەشكىمگە قىزىق ەمەس. جاعداي تەك ءوزىم ءۇشىن جاقسارسىن دەپ ەمەس، جالپى جاستار دا بۇل سپورتپەن اينالىسسا، وسى سپورتتىڭ ەلىمىزدەگى بولاشاعىنىڭ بار ەكەنىن كورسەتكىم كەلەدى.
5.جالپى شورت-ترەك تۋرالى كوپ ادام بىلە بەرمەيدى، كوپ جازىلمايدى. وسى سپورتىمىزدى وليمپيادا كەزىندە عانا ەمەس، جالپى بارلىق كەزدە بىلسە ەكەن دەيسىڭ.
بىلەسىز بە، شورت-ترەكتى تۇسىنەتىندەر از، ال ءقازىر كوبى وليمپيادا ويىندارىن كورىپ، بۇل سپورت تۇرىمەن تانىسقاندارىن جازادى. ءبىراق ءبىز كوپ جىلدار بويى الەم كۋبوگتارىنا قاتىسىپ، الەمنىڭ ۇزدىك وندىعىنا كىرەمىز، وليمپيادا چەمپيوندارىمەن بىردەي جۇگىرىپ، ولاردى وزىپ تا جاتامىز. جەڭەمىز. ءبىراق مەدال العان كەزدە ەشقانداي قولداۋ بولمايدى، كىشكەنە بولسا دا وسى ماسەلەگە نازار اۋدارىلىپ، سىياقى تاعايىندالسا. بۇل دا زاڭ بويىنشا قاراستىرىلماعان. ال سپورتشىلاردىڭ جالاقىسى، ايلىعى قازاقستانداعى ورتاشا جالاقىعا جەتە بەرمەيدى. جەڭىسكە جەتكەندە ەل نامىسىن قورعايمىز، ءبىراق ونىڭ جەمىسى رەتىندە نازار دا اۋدارىلمايدى. بىزدە باسقا ەلدەردەگىدەي دەمەۋشىلىك جوق، تەك مەملەكەتكە عانا سەنەمىز. وسىلاي ايتقانىم دۇرىس پا، جوق پا بىلمەدىم. ءبىراق وليمپيادادان باسقا كەزدە ەشكىمگە كەرەك ەمەس سپورتتان قالاي ناتيجە كۇتۋگە، سۇراۋعا، تالاپ ەتۋگە بولادى؟
6. 2018 جىلعى وليمپيادادان كەيىن جاراقات الىپ، ۇزاق ۋاقىت دەنساۋلىعىمدا پروبلەما بولدى. وسى ۋاقىتتا قۇرامادان شەتتەتىلدىم، ءوز قاراجاتىما ەمدەلدىم. بىزدە جاراقات الساڭ ەشكىمگە كەرەك ەمەسسىڭ. ال كاسىبي سپورتتا، تەم بولەە ءبىزدىڭ سپورتتا جاراقات كوپ كەزدەسەدى. ءوزىڭدى، ءومىرىڭدى سپورتقا ارناپ، وسىنداي جاعدايعا تاپ بولعاندا سوڭىندا جالعىز قالاسىڭ.
7. ءقازىر وليمپيادا ءبىتتى. يءا، بىلەمىن، ەشكىم ءناتيجەسىنە ءماز ەمەس. ءبىزدىڭ كىشكەنتاي كوماندامىز ءۇشىن بۇل وتە ۇلكەن جانە تاريحي كورسەتكىش ەدى. كەلەسى وليمپيادادا ناتيجە جوعارى بولۋى ءۇشىن قازىردەن باستاپ قيمىلداۋ كەرەك، بىزدەگىدەي وليمپياداعا جارتى جىل قالعاندا ەمەس. بىزدە جازعى سپورتقا نازار كوپ اۋدارىلعان سوڭ تالاپ تا جوعارى. سوڭىندا ءبارى، جانكۇيەرلەر دە قىسقى سپورتتان دا كەلىپ سونداي ناتيجە كۇتەدى.
مەنىڭ ەڭ ۇلكەن ارمانىم - ەلىمىزدىڭ كوك بايراعىن الەمدىك ارەنالاردا جەلبىرەتۋ، اۋىلدارداعى، رەگيوندارداعى بالالاردىڭ بارلىعى بىردەي سپورتپەن اينالىسا السا، ولار دا تاڭداۋ جاساي السا، قازاقستاندا سپورتشىنىڭ، سپورتشى بولۋدىڭ مارتەبەسىن بىلسە جانە ونىڭ قانداي ەڭبەك ەكەنىن بىلسە.
ءقازىر بىزدە ەگەر سەندە مەدال بولسا، سەنى جاقسى كورەدى، سوسىن بارىپ ساعان جاعداي جاسايدى. ءبىراق مەدال بولۋى ءۇشىن ءبىرىنشى جاعداي جاسالىنۋى كەرەك قوي. بازادان باستاپ، قاراپايىم كۇندەلىكتى جاتتىعۋ دا وسى جاعدايعا كىرەدى.
ءسوز سوڭىندا مەن ءوز كومانداما، جاتتىقتىرۋشىلارىما كوپ راحمەت دەگىم كەلەدى. ءبىز مۇنىمەن توقتاپ قالمايمىز. وسى ۋاقىتقا دەيىن تالاي قيىندىقتى ەڭسەرىپ، مويىمادىق. ءارى قاراي دا بيىك بەلەستى باعىندىرۋعا بارىمىزدى سالامىز. جاقسى ناتيجەگە قول جەتكىزۋ ءۇشىن ايانبايمىز. ءبىزدى ۇنەمى قولداپ، جاناشىر بولىپ وتىرعان ءارقايسىسىڭىزعا العىس.
ەلىمىزدەگى سپورتتى وسىرەتىن دە، وشىرەتىن دە ءوزىمىز. سوندىقتان مەنىڭ وسى ايتقاندارىم ءتيىستى جەرگە جەتەدى دەپ ويلايمىن.
