استانادا 5 بالاباقشا مەڭگەرۋشىلەرى جانە ولاردىڭ كومەكشىلەرى بالالاردى تاماقتاندىرۋعا ارنالعان اقشا قاراجاتىن جىمقىرعانى ءۇشىن كىنالى دەپ تانىلدى، دەپ حابارلايدى Ulys.
«ەكس-بالاباقشا باسشىلارى مازىرگە سايكەس قاجەتتى ازىق-تۇلىك كولەمىن كورسەتىپ، وتىنىمدەر بەرگەن. الايدا، الدىن الا ءونىم بەرۋشىمەن قىلمىستىق ءسوز بايلاسىپ، ولار تولىق جەتكىزىلىم تۋرالى قۇجاتتارعا جالعان مالىمەتتەر ەنگىزگەن. قىلمىستىق سحەمانىڭ باستاماشىسى جانە قىلمىستىق كەلىسىمنىڭ تىكەلەي ۇيىمداستىرۋشىسى بۇرىن سوتتالعان ولاردىڭ سىبايلاسى (ءونىم بەرۋشى) بولعان»، - دەپ حابارلادى استانا قالاسى پروكۋراتۋراسى.
پروكۋرور سوتتالعانداردىڭ كىناسىن دالەلدەيتىن بارلىق ايعاقتاردى ۇسىندى. سوت ۇكىم شىعاردى.
«سوت ۇكىمىمەن بالاباقشا مەڭگەرۋشىلەرىنە تاعايىندالعان بارلىق مەرزىمگە پروباسيالىق باقىلاۋ بەلگىلەنە وتىرىپ، 2 جىلدان 3 جىلعا دەيىنگى مەرزىمگە باس بوستاندىعىن شەكتەۋ، ءماجبۇرلى ەڭبەككە تارتۋ جانە مەملەكەتتىك قىزمەتتە قىزمەت اتقارۋعا ءومىر بويىنا تىيىم سالۋ جازاسى تاعايىندالدى»، - دەلىنگەن ۇكىمدە.
ۇقساس قىلمىستار ءۇشىن وتەلمەگەن سوتتىلىعى بولعان ولاردىڭ سىبايلاسى 4 جىلعا باس بوستاندىعىنان ايىرىلدى.
جىمقىرعان 35 ملن تەڭگەدەن استام قاراجات بيۋدجەتكە قايتارىلدى.
ۇكىم زاڭدى كۇشىنە ەندى.
