ق ر قما مالىمدەمەسىنە سايكەس، بيزنەسمەن انۋاربەك جەكسەنعالييەۆ 4،3 ملرد تەڭگە بيۋدجەت اقشاسىن قىلمىستىق جولمەن تاپقان، دەپ حابارلايدى Ulys.
ول ۇرلانعان قاراجاتتى زاڭداستىرماق بولعان. قارجىلىق تەرگەۋ ناتيجەسىندە قىلمىستىق اكتيۆتەردى جىلىستاتۋدىڭ كۇردەلى سحەماسى زەرتتەلدى.
«جەكسەنعالييەۆ مەملەكەتتىك بيۋدجەتتىڭ 1،1 ملرد تەڭگەسىن جىمقىرىپ، ونى ءوزىنىڭ جالعان كاسىپورىندارىنىڭ شوتىنا اۋدارعان. سودان كەيىن شوتتاعى تەڭگەنى شەتەل ۆاليۋتاسىنا اۋىستىرۋ وپەراسياسىن جۇرگىزگەن. سونداي-اق ول ۇرلانعان قاراجاتتى جىلىستاتۋ ءۇشىن جىلجىمايتىن مۇلىكپەن جالعان مامىلەلەر جاساعان، ياعني جەر تەلىمدەرىن ساتىپ الىپ، قۇرىلىس كومپانيالارىنا وتكىزىپ، پايدالانۋعا بەرىلگەن ۇيلەردەن سىياقى رەتىندە پاتەرلەردى الىپ وتىرعان»، - دەلىنگەن حابارلامادا.
سوتتالۋشى قىلمىستىق جولمەن تاپقان اقشاسىن زاڭداستىرۋ، جىلىستاتۋمەن 2019-2022 جىلدار ارالىعىنداي اينالىسقان. جەكسەنعالييەۆتىڭ 4،7 ملرد تەڭگەلىك مۇلكى تاركىلەندى.