2025 جىلعى 1 قاڭتاردان باستاپ مەملەكەتتىك جاردەماقىلار مەن بازالىق زەينەتاقى تولەمدەرىنىڭ بارلىق ءتۇرىنىڭ مولشەرى 6،5 پايىزعا، ىنتىماقتى زەينەتاقى 8،5 پايىزعا كوتەرىلدى، - دەپ حابارلايدى ق ر ەڭبەك جانە حالىقتى الەۋمەتتىك قورعاۋ مينيسترلىگى.
2025 جىلعى 1 قاڭتاردان باستاپ بازالىق زەينەتاقىنىڭ ەڭ تومەن مولشەرى ەڭ تومەن كۇنكورىس دەڭگەيىنىڭ 65 پايىزىنان 70 پايىزعا دەيىن ۇلعايتىلدى، بۇل 32 360 تەڭگە بولىپ، ونىڭ ەڭ جوعارى مولشەرى ەڭ تومەن كۇنكورىس دەڭگەيىنەن 105-تەن 110 پايىزعا دەيىن ارتتىرىلىپ، 50 851 تەڭگە بولادى.
مىسالى، 2019 جىلى زەينەتكەرلىككە شىققان 69 جاستاعى زەينەتكەردىڭ 2024 جىلى بيۋدجەتتەن تولەنەتىن زەينەتاقى مولشەرى 156 856 تەڭگە بولدى، ونىڭ ىشىندە بازالىق زەينەتاقى تولەمى – 45 578 تەڭگە، ىنتىماقتى زەينەتاقى – 111 278 تەڭگە. 2025 جىلعى 1 قاڭتاردان باستاپ ءوسىمدى ەسكەرە وتىرىپ، وسى زەينەتكەر ءۇشىن زەينەتاقىنىڭ جالپى سوماسى 171 588 تەڭگەگە دەيىن ۇلعايدى، ونىڭ ىشىندە بازالىق زەينەتاقى – 50 851 تەڭگە، ىنتىماقتى زەينەتاقى – 120 737 تەڭگە بولدى. اتالعان سومالارعا بجزق-داعى تولەمدەر كىرمەيتىنىن اتاپ ءوتۋ ماڭىزدى.
سونداي-اق 2025 جىلعى 1 قاڭتاردان باستاپ مەملەكەتتىك جاردەماقىلاردىڭ مولشەرى ۇلعايدى:
- 1، 2، 3 بالا تۋعاندا بەرىلەتىن جاردەماقى 140 296 تەڭگەدەن 149 416 تەڭگەگە دەيىن، 4 جانە ودان دا كوپ بالا تۋعاندا بەرىلەتىن جاردەماقى – 232 596 تەڭگەدەن 247 716 تەڭگەگە دەيىن ۇلعايدى؛
- مولشەرى بالالار سانىنا بايلانىستى بەرىلەتىن كوپبالالى وتباسىلارعا ارنالعان جاردەماقى 4 بالاسى بار وتباسىلار ءۇشىن 59 183 تەڭگەدەن 63 030 تەڭگەگە دەيىن، 10 بالاسى بار وتباسىلار ءۇشىن – 147 680 تەڭگەدەن 157 280 تەڭگەگە دەيىن ارتتى؛
- I توپ مۇگەدەكتىگى بار ادامدارعا ارنالعان جاردەماقى 95 496 تەڭگەدەن 101 702 تەڭگەگە دەيىن، II توپ – 76 397 تەڭگەدەن 81 362 تەڭگەگە دەيىن، III توپ – 52 089 تەڭگەدەن 55 474 تەڭگەگە دەيىن ءوستى.
سونداي-اق، مەملەكەتتىك الەۋمەتتىك ساقتاندىرۋ قورىنان (بۇدان ءارى – ءماسق) اسىراۋشىسىنان ايىرىلۋ جانە ەڭبەككە قابىلەتتىلىگىنەن ايىرىلۋ بويىنشا تولەمدەر مولشەرى 6،5 پايىزعڭا ارتتى. اتالعان تولەمدەر مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا بيۋدجەتتەن بەرىلەتىن مەملەكەتتىك جاردەماقىلارعا قوسىمشا جۇزەگە اسىرىلادى.
تولەمدەردىڭ مولشەرى جەكە ساناتتارعا جانە مىنالارعا بايلانىستى بولادى:
- سوڭعى 2 جىلدا ءماسق-عا الەۋمەتتىك اۋدارىمدار جۇرگىزىلگەن ورتاشا ايلىق تابىس؛
- ەڭبەككە قابىلەتتىلىگىنەن ايىرىلۋ كوەففيسيەنتتەرى؛
- اسىراۋىنداعى ادامدار سانى؛
- مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى الماستىرۋ.
