Májilistiń jalpy otyrysynyń kýlýaryndaTótenshe jaǵdaılar mınıstri Shyńǵys Árinov sý tasqyny qaýpi bar aımaqta 23 eldi meken bar ekenin aıtty, dep habarlaıdy Ulys.

«Bul statısıkany mamandar beredi. Keıbir depýtattar osy óńirdiń barlyǵyn sý basady dep shoshyp jatyr eken. Olaı bolmaıdy. Belgili bir jumys júrgizemiz. Keıbir óńirden ol qaýipter joıyldy. Al óńirler boıynsha sý tasqyny qaýpi tónip turǵan TOP-5 aımaqty aıtatyn bolsaq, BQO, Qaraǵandy, Aqmola, Shyǵys Qazaqstan jáne Soltústik Qazaqstan oblystary bolyp otyr», - dedi Shyńǵys Árinov

Parlament palatalarynyń birlesken otyrysy barysynda QR Premer-Mınıstri Oljas Bektenov aýqymdy sý tasqynynyń saldaryn joıý jónindegi qalpyna keltirý jumystarynyń barysyna túsinikteme berdi. Bul týraly Úkimettiń baspasóz qyzmeti habarlady.

Úkimet basshysy sý tasqyny myńdaǵan azamatqa, sondaı-aq ınfraqurylymǵa, ekonomıkaǵa jáne jalpy elimizge aıtarlyqtaı zıan keltirgenin atap ótti.

120 myńnan astam adam óz úıinen evakýasıalandy. Olardyń 67 570-i úılerine oraldy. Bul rette búgin tańerteńgi málimet boıynsha 3 952 adam evakýasıalyq pýnktterde qalyp otyr. Barlyǵy 12 myń turǵyn úı (JTQ) jáne 26 myń saıajaı ýchaskeleri sý astynda qaldy. Sý astynda qalyp otyrǵan úıdiń sany — 98.

«Kómek kórsetý boıynsha aýqymdy jumys atqarylýda. Memleket basshysynyń úndeýine jaýap bere otyryp, iri bıznes eleýli qoldaý kórsetti, búdjettik resýrstar da tartyldy. Búgingi tańda 33 141 otbasy 100 AEK kóleminde ótemaqy aldy. Osy maqsatqa búdjetten 12 mlrd teńgeden astam qarjy bólindi», — dedi Oljas Bektenov.   

Onyń aıtýynsha, zardap shekken 17 982 úı boıynsha tekserý júrgizildi, 15 685 úıdi baǵalaý aıaqtaldy. Úılerdiń jartysyna jýyǵy jóndeý men qalpyna keltirýdi qajet etedi. Osy maqsattarǵa oraı 5823 otbasy ótemaqy aldy. Oǵan 38,6 mlrd teńge bólindi.

8 myńnan astam úı apatty jaǵdaıda dep tanyldy. Olar úshin zıandy óteýdiń 2 nusqasy bar:

1. páterlerdi nemese úılerdi qaıtalama naryqta satyp alý;

2. úı salý.

«Biz Prezıdenttiń tapsyrmasyna sáıkes zardap shekken azamattardyń talap-tilegin oryndaımyz. Búgingi tańda 3155 otbasy jańa baspana aldy. Túrli óńirlerde 2049 úıdiń qurylysy belsendi júrgizilip jatyr. Jalpy turǵyn úıdi qalpyna keltirýge jáne salýǵa 251 mlrd teńge baǵyttaldy», — dep atap ótti QR Premer-Mınıstri.

Sonymen qatar ınjenerlik jáne áleýmettik ınfraqurylymǵa, joldar zzıyn keldi. Atap aıtqanda, 2,3 myńnan astam energıamen jabdyqtaý tirekteri qırap, 54 km jeli úzildi. Búgingi tańda 40% qalpyna keltirildi, jaz aılarynda jumys belsendi jalǵasatyn bolady.

Respýblıkalyq jáne jergilikti joldardyń 290 ýchaskesinde avtomobıl qatynasy úzildi. Búginde Atyraý oblysynda bir ýchaskeni qospaǵanda, barlyq ýchaskeler boıynsha qozǵalys qalpyna keltirildi. Atalǵan ýchaskedegi qozǵalys sý ketken kezde ashylady.

Sonymen qatar, 39 bilim berý nysany sý astynda qaldy. Onyń 18-i aǵymdaǵy jóndeýdi, 11-i kúrdeli jóndeýdi qajet etedi, 9 bilim berý nysany odan ári paıdalanýǵa múldem jaramsyz jáne jańadan salynady. Bir bilim berý nysanynda áli de tekserý rásimi júrgizilip jatyr.

«Prezıdenttiń tapsyrmasyna sáıkes, kún sýytqanǵa deıin barlyq azamat jańa turǵynúıge qonystanyp, barlyq ınfraqurylym nysandary qalpyna keltiriletin bolady», — dep túıindedi Oljas Bektenov.

Premer-Mınıstr Oljas Bektenov jumys saparymen elimizdiń batysyna bardy. Basty maqsat – Memleket basshysynyń sý tasqynynan zardap shekken azamattardy baspanamen qamtamasyz etý jónindegi tapsyrmalarynyń oryndalý barysyn tekserý. Bul týraly Úkimettiń saıty habarlady.

Jumys kestesinen artta qalý baıqalǵan Batys Qazaqstan jáne Aqtóbe oblystarynyń aýyldary men kentterine basa nazar aýdarylady (bıylǵy 17 shildedegi Premer-Mınıstrdiń tóraǵalyǵymen ótken Sý tasqynynan keıin turǵyn úıler men ınfraqurylymdy qalpyna keltirý máseleleri jónindegi keńes).

Batys Qazaqstan oblysynda Úkimet basshysy Terekti aýdanyndaǵy Podstepnoe aýylynda, Derkól kentinde jáne Oral qalasyndaǵy «Juldyz» yqshamaýdanynda boldy, munda jalpy sany 400-ge jýyq turǵyn úı qurylysy júrgizilýde. Tekserý barysynda aldaǵy sýyq mezgildi eskere otyryp, jumys qarqyny men turǵyn úı ınfraqurylymynyń qonystanýǵa daıyndyǵyn qamtamasyz etý merzimderi baǵalandy. 

Terekti aýdany Podstepnoe aýylynda 3 bólmeli 106 turǵyn úıdiń qurylysy júrip jatyr. Jumys bıylǵy mamyr aıynda bastalǵan bolatyn. Búginde irgetasyn quıý jumysy tolyǵymen aıaqtaldy, 43 úıdiń qabyrǵasy turǵyzylyp jatyr,  62 úıdiń shatyry jabylýda. Nysandarǵa 8 merdiger uıym, shamamen 330 adam jáne 56 tehnıka jumyldyrylǵan. Tamyz aıynyń ortasynda paıdalanýǵa berý kózdelgen.

Derkól kentinde 103 turǵyn úı jańa ýchaskelerde salynyp jatyr. Qazirgi ýaqytta irgetas quıý jumystary tolyǵymen aıaqtaldy, 24 nysanda ishki árleý júrgizilip jatyr. Oǵan 5 merdiger uıym jumyldyryldy. Jumys bıylǵy qyrkúıek aıynda aıaqtalady dep josparlanǵan. 

Oral qalasynyń «Juldyz» yqshamaýdanynda 191 nysan jańa jerde salynyp jatyr. Turǵyn úılerdi ýaqytyly tapsyrý úshin 17 merdiger mekeme jumysqa tartyldy. Búgingi tańda barlyq úıdiń irgetasy quıylǵan, 178 úıdiń qabyrǵasy qalanýda, 49 nysannyń shatyry jabylyp jatyr.

Premer-Mınıstr sý tasqynynan zardap shekken turǵyndardy jańa baspanamen ýaqytyly qamtamasyz etý úshin jumys barysyn qatań baqylaý qajettigin atap ótti.

«Óńir qajetti qarqyn alýy kerek. Sapaly, qaýipsiz jáne jaıly turǵyn úımen qamtamasyz etý mindeti – Úkimettiń negizgi basymdyǵy. Barlyq qurylys nysandarynda baqylaýdy kúsheıtý qajet. Oblysta baspanalaryn kútip, ýaqytsha jerlerde turyp jatqan otbasylar qatary kóp. Qurylys jumystaryn jedeldetip, 2-3 aýysymdyq jumys kestesine kóshý qajet. Tolyq jumyldyrýdy qamtamasyz etýdi tapsyramyn», — dedi Oljas Bektenov.

Sonymen qatar ınjenerlik jelilerdi, jol jáne áleýmettik ınfraqurylymdy qalpyna keltirý boıynsha tapsyrmalar berildi. Salynyp jatqan aýdandarda ilespe ınfraqurylym men abattandyrýdy aldyn ala qarastyrý qajet. Jańa turǵyn aýdandardyń janynda 1 500 orynǵa arnalǵan «Jaıly mektepterdiń» qurylysy júrgizilýde. Oblys ákimdiginiń málimetinshe, jumystar bıylǵy kúzde aıaqtalady.

Anyqtama: Úkimet sý tasqyny saldaryn joıý jáne zardap shekken azamattarǵa jan-jaqty kómek kórsetý boıynsha jumysty jalǵastyrýda. 70 myńnan astam adam óz úılerine oraldy. Zardap shekken aımaqtarda turǵyn úılerdiń 100%-y tekserildi. Jalpy somasy 44,2 mlrd teńgege 7 823 otbasy baspanasyn jóndeýge jáne qalpyna keltirýge ótemaqy aldy. 3 987 otbasy qıraǵan baspanasynyń ornyna jańa úı men páterlerge qonystandy. 2 578 úı salynyp jatyr. 34 023 otbasy 12,5 mlrd teńgeden astam somaǵa 100 AEK mólsherinde birjolǵy tólem aldy. 20 913 otbasyna jalpy somasy 9,5 mlrd teńgege 150 AEK-ke deıingi mólsherde joǵalǵan birinshi qajettiliktegi zattaryn satyp alý úshin qosymsha ótemaqy tólendi. Sýǵa ketken mal úshin berilgen memlekettik kómek kólemi 2,8 mlrd teńgeden asty. Zardap shekken bızneske keltirilgen zalaldy óteý boıynsha SHOB sýbektileriniń jalpy somasy shamamen 1,5 mlrd teńgege 252 ótinimi qaralyp, maquldandy.