Belgili kásipker, qarjyger Dýman Erqanat  “qyz zorlady” degen jalǵan aıyppen 7 aıǵa túrmede otyryp shyqqanyn jazdy, dep habarlaıdy Ulys.

2023 jyly 13 qyrkúıekte qarjy saýatyn úıretetin tanymal treıder Dýman Erqanat qyz zorlady degen aıyppen 5 jylǵa bas bostandyǵynan aıyryldy. Alaıda ol sheshimmen kelispeı, apelásıalyq sotqa shaǵymdanǵan bolatyn.

Ol Araılym Tóregeldi degen áıeldiń óziniń treıdıng kýrsyna qyzyǵyp hat jazǵanyn, keıin ekeýiniń kelisimdi túrde kezdesip, qosylǵandaryn aıtty. Alaıda, Araılym artynsha eki saǵattan keıin “meni zorlady” dep aryz jazyp, aryzyn qaıtaryp alý úshin 100 mıllıon teńge suraǵanyn aıtty.

“Treıdıng salasyna qatysty suraqtarmen  Tóregeldi Araılym Baýyrjanqyzy degen áıel hat jazyp júrdi. Bastapqyda kúdiktenbedim de, esh aram oıym bolǵan joq. Sondaı kezekti hat Araılymnan 2022 jyldyń 4 jeltoksan kúnisaǵat 22:30 shamasynda  keldi. Sóılesip otyryp, ne istep jatqanymdy surady. Men úıde jalǵyz fılm kórip jatqanymdy aıttym. Ol birge kórgisi keletinin tuspaldady. Men qarsy bolǵam joq. Osylaı jarty saǵatta óz kóligimen úıime keldi. Bul kezde saǵat 22.50 shamasy bolatyn. Birge fılm qaradyq. Áńgimelestik. Sonymen, qyz emeýirin tanytyp, qalaýyn bildirgen soń jaqyndastyq. Shalys baspaıtyn adam bolmaıdy ǵoı. Jasy 30 shamasyndaǵy tek brendten kıingen , qymbat kólik mingen áıelge keregi tósek shyǵar dep oıladym. Men ony zorlaıtyndaı oǵan muqtajdyq joq edi. Qysqasy, qyzdyń kóńilin qaıtarǵym kelgen joq. Sálden soń Araılym qarynym ashty dep nazdanady. Ekemiz birge tamaqqa tapsyrys berdik. Bir saǵattan soń kýrer keldi. Birge tamaqtandyq. Jobamen túngi 01.30 shamasynda Araılym Tóregeldinikóligine deıin shyǵaryp salyp, alańsyz uıqyǵa jattym. Arada eki saǵat ótkende ústimnen aryz túskenin estidim. Araılym Tóregeldi zorlandym dep aryz jazǵan. Men qyzdan munysy jala ekenin aıtyp, ne keregin suradym. Ol menen 100 mln teńge talap etti” dep jazdy ol.

Keıinnen “7 jyl ómiriń meniń  qolymda. Bılikte de, sotta da aǵalarym bar, bárin sheshe alamyn» degen qyzdyń sózine Dýman Erqanat mán bermegen. Alaıda, eki aıdan keıin kásipker qamaýǵa alyndy.

Apelásıalyq sot úkimi boıynsha Dýman Erqanatty birinshi satydaǵy sot óz kinásin moıyndaǵany úshin sottap jibergen. Alaıda qyzdyń zorlanǵany týraly aıǵaq jetkiliksiz dep tanypty. Mundaı sheshimge ne áser etkenin sot alqasy bylaı dep túsindirgen.

“Ol zorlaný barysynda aıqyn qarsylyq kórsetpegen, sebebi D.Erqanattan dene jaraqattary anyqtalmady. Zattaı dáleldemelerdi zertteý hattamasy boıynsha onyń kıimi jyrtylmaǵan. Dýman Erqanatqa qatysty Bostandyq aýdany №2 aýdandyq sotynyń 2023 jylǵy 13 qyrkúıektegi úkimi joıylsyn, is boıynsha jańadan aqtaý úkimi qabyldansyn. Dýman Erqanatqa qatysty qamaýǵa alý túrindegi bultartpaý sharasynyń kúshi joıylsyn, dereý qamaýdan bosatylsyn”, – delingen aqpan aıyndaǵy sot úkiminde.

Depýtat, zańger Abzal Quspan atalmysh jaıtqa qatysty otandyq YouTube arnalardyń birinde pikir bildirdi:

”Áýeli qylmys boldy ma, bolmady ma sony aıqyn bilip alý qajet. Eger qyzdy qınaǵan, erkinen tys kúsh qoldanyp jynystyq qatynasqa túsken bolsa, onda ol sózsiz - qylmys. Al eger kelisim bolsa qylmys emes. Men apelásıalyq alqanyń keltirgen ýájderin, sot aktilerin qarap shyqtym. Jaǵdaı eshqandaı da qylmysqa kelmeıdi. Almaty qalasynyń apellásályq soty durys sheshimge kelgen eken degen oıda qaldym” dedi ol.