2024 jyldyń segiz aıynda Qazaqstannyń syrtqy saýda aınalymy 91 mlrd 673,7 mln dollar bolǵan. Bul 2023lǵy kórsetkishten 0,6% az. Onyń ishinde eksport–53 mlrd 547,5 mln bolǵan. Al ımport kólemi 38 mlrd 126,2 mln dollardy quraǵan. Saýda aınalymynyń túsýi osy ımport boıynsha tirkelip otyr.
Elimiz eń kóp eksporttaǵan ónimder, ádettegideı, shıki munaı (55,4%) men tazartylǵan mys, óńdelmegen mys qorytpalary (5,2%), hımıalyq radıoaktıvti elementter men radıoaktıvti ızotoptar (4,6%), kender jáne mys konsentrattary (4%), feroqorytpalar (2,8%).
Al syrttan ishke eń kóp ákelingen taýar - jeńil avtokólik (3,9%). Odan keıingi orynda dárilik zattar (3,3%), ushý apparattary (3,2%), telefon apparattary (2,8%) men motorly kólik quraldaryna arnalǵan shanaq (2%).
Qazaqstan taýaryn ózine eń kóp ımporttaıtyn el – Italıa (24,2%). Odan keıingi orynda Qytaı (18,3%) tur. Eýrazıalyq ekonomıkalyq odaqtyń kóshbasshysy sanalatyn Reseı (11,2%) bul tizimde úshinshi tur. Ári qaraı Nıderland (6,1%), Fransıa (5%), Túrkıa (4%) jaıǵasqan.
Esesine Reseı bizge óz taýaryn eń satatyn el bolyp esepteledi (29,4%). Tipti Qytaıdyń ózin ekinshi orynǵa ysyrǵan (24,9%). Bulardan keıin Germanıa (5%), AQSH (4%), Fransıa (3,3%), Koreıa Respýblıkasy (3,1%) bar.
Memleket shaǵyn kásiporyndardyń eksporttyq áleýetin arttyrýǵa da kúsh salyp keledi. «Eksporttyq akselerasıa-2024» baǵdarlamasy soǵan dálel bola alady. Bıyl bul baǵdarlama mashına jasaý, hımıa, jeńil jáne tamaq ónerkásibi sıaqty salalarda qyzmet qyzmet kórsetip júrgen 120 kásiporyn irikteldi.
2020-2023 jyldary bul baǵdarlamaǵa eldegi 400-den astam shaǵyn jáne orta kásiporyn qatysqan.
