«Kaspıı» fýtbol klýbyna qatysty aqsha bopsalaǵandar destrýktıvti din ókilderi

Sybaılas jemqorlyq

gov.kz 24 jeltoqsan 2024

«Kaspıı» fýtbol klýbyna qatysty aqsha bopsalaǵandar destrýktıvti din ókilderi - agenttik

OKQ ótken baspasóz máslıhatynda Sybaılas jemqorlyqqa qarsy is-qımyl agentiginiń resmı ókili Danıar Bıgaıdarov «Kaspıı» fýtbol klýbynda jasalǵan jemqorlyq jaıly aıtty, dep habarlaıdy Azattyq Rýhy.

«Mańǵystaý oblysy boıynsha Sybaılas jemqorlyqqa qarsy qyzmet «Kaspıı» fýtbol klýby» SHJQ MKK burynǵy dırektory men destrýktıvti dinı orta ókilderine qatysty sotqa deıingi tergeý júrgizýde. Olar zorlyq-zombylyq qoldana otyryp, asa iri mólsherde aqsha bopsalady degen kúdikke ilinip otyr», - dedi Bıgaıdarov.

Onyń aıtýynsha, Mańǵystaý oblysy prokýratýrasynyń úılestirýimen úsh kúdikti QPK-niń 128-baby negizinde ustalyp, ýaqytsha ustaý ızolátoryna qamaldy.

«Qazirgi ýaqytta burynǵy dırektordyń oqý-jattyǵý jıyndaryn uıymdastyrý úshin fýtbol klýbyna bólingen búdjet qarajatyn jymqyrý faktisine qatysty ma, joq pa tekserip jatyrmyz. Tergeý jalǵasyp jatyr», - dedi resmı ókil.

RELATED NEWS

Sybaılas jemqorlyq

04 naýryz 2025

Fýtbol federasıasynyń burynǵy basshysyna qatysty tergeý bastaldy

Qazaqstan fýtbol federasıasynyń burynǵy basshylyǵyna qatysty tergeý júrip jatyr, dep habarlaıdy Ulys.

Qarjy monıtorıńi agenttigi Barmenqulovqa, sondaı-aq federasıanyń birqatar burynǵy qyzmetkerlerine qatysty tergeý áreketteri men tintý jumystaryn júrgizip jatyr.

Barmenqulov 2021-2024 jyldar aralyǵynda QFF basshysy qyzmetin atqarǵan.19 qarashada uıymnyń kezekten tys otyrysynda ol qyzmetinen ketti.

BAQ tarapynan kelip túsken suranystarǵa baılanysty, QMA Qazaqstan fýtbol federasıasynyń buryńǵy basshylyǵyna qatysty sotqa deıingi tergeýdi bastaǵanyn rastaıdy,- delingen Qarjy monıtorıńi agenttigi habarlamasynda.

Sybaılas jemqorlyq

20 naýryz 2025

Nyǵmatýlınniń izdeýde júrgen aǵasy Qazaqstannan qylmystyq is qozǵalmaı turyp ketip qalǵan

Parlament Májilisiniń burynǵy tóraǵasy Nurlan Nyǵmatýlınniń aǵasy Arǵyn Nyǵmatýlın tergeý bastalǵanǵa deıin elden ketip qalǵan. Bul týraly Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev málimdedi, dep habarlaıdy Ulys.

«Biz onyń Qazaqstanda emes ekenin bilemiz. Tergeý bastalǵanǵa deıin elden ketip qalǵan. Ol Qazaqstanda emes. Ony izdeý jáne elge qaıtarý boıynsha sharalar júrip jatyr. İzdeý sharalary barlyq eldi qamtıdy, oǵan memleketaralyq izdeý jarıalanǵan», - dedi Quraqbaev Senat kýlýarynda jýrnalıserdiń suraǵyna jaýap berip.

Esterińizge salaıyq, naýryz aıynyń basynda 69 jastaǵy Arǵyn Nyǵmatýlınge izdeý jarıalanǵany habarlandy. Ony izdeýge prokýratýra bastamashy bolǵan, al izdeý sharalaryn Antıkor júrgizedi.

Sybaılas jemqorlyq

13 mamyr 2025

Syrttaı 9 jylǵa sottalǵan Talǵat Ardan Túrkıada ustaldy

2019 jylǵy qyrkúıekte Bas prokýratýra Túrkıanyń Ádilet mınıstrligine halyqaralyq izdeýde júrgen «Astana LRT» JSHS-niń burynǵy basshysy Talǵat Ardandy ustap berý týraly suraý jibergen bolatyn, dep habarlaıdy Ulys.

«Osyǵan baılanysty Túrkıa Respýblıkasynyń quzyrly organdary tıisti izdestirý sharalaryn júrgizgen. Bıyl UQK onyń naqty bolǵan jerin anyqtady, sodan keıin Túrkıanyń quqyq qorǵaý organdary ony Antalá qalasynda ustady. Bıyl 9 mamyrda Antalá qalasynyń soty Ardandy Qazaqstanǵa deportasıalaý týraly sheshim qabyldady jáne ol qazir qamaýda», - dep habarlady UKQ baspasóz qyzmeti.

Qazaqstannyń quzyretti organdary atalǵan adamdy Qazaqstanǵa qaıtarý boıynsha quqyqtyq rásimderdi bastady.

Esterińizge sala keteıik, buǵan deıin Astana qalasynyń soty Talǵat Ardandy Qylmystyq kodekstiń 189-baby 4-bóligi jáne 361-baby 4-bóligi boıynsha kináli dep tanyp, syrttaı 9 jylǵa bas bostandyǵynan aıyrǵan edi.

Jańalyqtar

20 tamyz 2025