Úndistannyń batysyndaǵy Ahmadabad qalasynan ushyp shyqqan Air India áýe kompanıasynyń ushaǵy apatqa ushyraǵan. Aldyn-ala málimetter boıynsha, borttaǵy 242 adam túgel qaza tapty, dep habarlaıdy Ulys.

Ushaq búgin áýejaıdan ushyp shyqqannan keıin birneshe mınýttan soń turǵyndar turatyn aýdanǵa  qulaǵan. Air India málimetinshe, ushaq Ulybrıtanıa astanasynyń ońtústiginde ornalasqan Gatvık áýejaıyna baǵyt alǵan.

Polısıa qatty kúıgen 100-den astam máıittiń jergilikti memlekettik aýrýhanaǵa jetkizilgenin habarlaǵan.

«Ushaq dárigerler turatyn jataqhanaǵa qulaǵan... biz aýmaqtyń 70-80%-yn tazaladyq, jaqynda qalǵan bóligin de tazartamyz», – dep málimdedi polısıanyń joǵary laýazymdy ofıseri.

Úndistannyń CNN News-18 telearnasynyń habarlaýynsha, ushaq BJ medısınalyq kolejiniń memlekettik jataqhanasynyń asqanasynyń shatyryna qulap, kóptegen medısına stýdentteri qaza tapqan.

Reuters derekkózi málimdegendeı, jolaýshylardyń arasynda 217 eresek adam, 11 jasóspirim, 2 bala bolǵan. Air India habarlamasyna sáıkes, olardyń 169-y Úndistan azamattary, 53-i brıtandyqtar, jeti portýgal jáne bir kanadalyq bolǵan.

Flightradar24 ushý monıtorıńi saıtynyń derekterine sáıkes, ushaq Boeing 787-8 Dreamliner modeline tıesili – qazirgi ýaqytta qoldanystaǵy eń zamanaýı jolaýshylar ushaqtarynyń biri. Bul apat el tarıhyndaǵy eń iri áýe apattarynyń biri sanalady.

Ótken aptada Mánmadaǵy qatty jer silkinisinen kóz jumǵandar sany kúnnen-kúnge kóbeıip jatyr. Sonyń ishinde, ǵıbadathana qırap, úıinde astynda 200 monah qaza tapsa, 50 balany mektep ǵımaraty basyp qalǵan. Zilzala kezinde meshitterde namaz oqyp jatqan 700 musylman zardap shekken, dep habarlaıdy AR.

BUU men gýmanıtarlyq kómek uıymdary jer silkinisiniń saldary elde ashtyq pen aýrý-syrqaý máselesin ushyqtyryp jiberedi dep alańdap otyr. Mánmadaǵy azamattyq soǵys gýmanıtarlyq kómek berý jumystaryn qıyndatady.

Birneshe kún buryn Mandalaı qalasynda bolǵan kúshi 7,7 baldyq jer silkinisi áýejaıdy búldirip, júzdegen ǵımaratty qıratyp ketti.  MRTV memlekettik telearnasynyń málimetinshe, el basshysy Mın Aýn Hlaın Pákistan premer-mınıstrimen telefon arqyly sóılesken ýaqytynda 2065 adamnyń kóz jumyp, 3900-den astam adamnyń jaraqat alǵǵanyn, 270 adamnyń iz-túzsiz joǵalǵanyn aıtqan.

Qazir oqıǵa úıindelerdi arshý jumystaryna halyqaralyq qutqarýshylar jumyldyrylǵan, onyń ishinde Reseıden, Qytaıdan, Úndistannan jáne Ońtústik-SHyǵys Azıa elderinen kelgen adamdar bar.

Eýropalyq Odaq, Ulybrıtanıa, Avstralıa, Jańa Zelandıa, Ońtústik Koreıa sıaqty birneshe memleket mıllıondaǵan dollar qarajat bólgenin jetkizdi.

Sondaı-aq Bangkok qalasynda jer silkinisinen kem degende 18 adam qaza tapqan, 33 adam jaralanyp, 78 adam joǵalyp ketken.

Kanada premer-mınıstri Djastın Trúdo Ilon Masktyń qos azamattyǵyn joıýǵa úndeý jasady, dep habarlaıdy Anadolu.

Kanadada Ilon Maskty el azamattyǵynan aıyrýdy talap etetin petısıa bastaldy. Kanadalyqtar Ilondy «eldiń ulttyq múddesine qaıshy keletin áreket jasady» dep synǵa alýda

Kanada premer-mınıstr Djastın Trúdo Ilon Maskty Kanada azamattyǵynan aıyrýǵa shaqyrdy. Ilonnyń anasy kanadalyq.

Petısıada kásipker Mask «baılyǵy men bıligin Kanadadaǵy saılaýǵa yqpal etý úshin paıdalanady» jáne «Kanada egemendigin joıýǵa tyrysatyn sheteldik úkimettiń múshesi» delingen.

Qol qoıǵan petısıa 20 maýsymda Qaýymdar palatasyna usynylady.