Ustaz márbebesin kóterý qazirgi kezde Memleket basshysy únemi aıtyp, tıisti tapsyrma júktegen mańyzdy baǵyttardyń biri. Sebebi ustaz mártebesi – ulttyń bolashaǵymen tikeleı baılanysty. Osy rette Memleket basshysy Qasym-Jomart Toqaevtyń bastamasymen muǵalimder úshin birneshe mańyzdy qadamdar jasalǵanyn atap ótken oryndy. Endi solarǵa toqtalsaq.
Birinshi, muǵalimderdiń jalaqysyn aıtarlyqtaı ósti. 2020 jyldan bastap pedagogtardyń jalaqysy 25%-ǵa ósti, al 2023 jyly taǵy da eki esege kóbeıdi.
Ekinshi, «Pedagog mártebesi týraly» jańa zań qabyldandy.
Úshinshiden, muǵalimderdiń biliktiligin arttyrýǵa arnalǵan birneshe baǵdarlamalar engizildi jáne muǵalimderdiń ákimshilik júktemesin azaıtý baǵytynda tıisti sharalar qabyldandy. Bul týraly Prezıdent byltyr qazan aıynda ótken pedagogter sezinde ózi de aıtyp ketti.
«Meniń bastamammen 2019 jyly «Pedagog mártebesi týraly» jeke Zań qabyldandy. Sońǵy tórt jylda ustazdardyń jalaqysy 2 ese ósti. Jaqynda balabaqsha tárbıeshileriniń aılyǵy 30 paıyzǵa kóbeıdi. Ustazdardyń eńbek demalysy uzartyldy. Muǵalimniń mindetine kirmeıtin artyq jumystyń bári alynyp tastaldy. Ustazdardyń kásibı biliktiligin arttyrý máselesine basa mán berilip jatyr. «Bolashaq» baǵdarlamasymen úsh jylda 220-ǵa jýyq pedagog shetelde oqyp keldi. Muǵalim mamandyǵyn tańdaǵan jastarǵa qoıylatyn talap kúsheıdi. Osy saladaǵy stýdentterdiń stıpendıasy 2,5 ese kóbeıdi. Bir sózben aıtqanda, biz, eń aldymen, bilikti ustaz daıarlaý isine aıryqsha mán berip otyrmyz», – dedi Qasym-Jomart Toqaev 2023 jyly 5 qazanda ótken sıeze sóılegen sózinde.
Oqý-aǵartý mınıstrliginiń deregi boıynsha, elimizdiń mektepterinde 340 958 muǵalim jumys isteıdi. Onyń 274 myńy – áıelder, 66 myńy – er adamdar.
Ahmet Baıtursynulynyǵ «Biz eldi túzeýdi bala oqytý isin túzeýden bastaýymyz kerek» degen támilimen aıtsaq, ustazdardyń biligi men bilimin kóterý, olarǵa damýy men durys jumys jasaýyna jan-jaqty qoldaý jasaı berýimiz tıis. Taǵy da Alash qaıratkeri Maǵjan Jumabaevsha aıtsaq «Alty alashtyń balasynyń basy qosylsa, tór muǵalimdiki bolý kerek». Sondyqtan da biz aıtyp otyrǵan muǵalim mártebesin kóterý jumystary únemi júıeli júrgizile berýi tıis.