Qazaqstanda 2025 jyly zapastaǵy 915 ofıser áskerı qyzmetke shaqyrylady. QR Úkimetiniń tıisti qaýlysyna premer-mınıstr Oljas Bektenov qol qoıdy, dep habarlaıdy Ulys.

Qujattyń mátini Qazaqstan Respýblıkasy normatıvtik quqyqtyq aktileriniń etalondyq baqylaý bankiniń portalynda jarıalandy.

«Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 32-babyna sáıkes Qazaqstan Respýblıkasynyń Úkimeti qaýly etedi:

1. Osy qaýlyǵa qosymshaǵa sáıkes sanda ofıser quramynyń laýazymdarynda áskerı qyzmet ótkerý úshin áskerı qyzmetke jaramdy jáne ony ótkermegen zapastaǵy ofıserler zańnamada belgilengen tártippen 2025 jyly jıyrma tórt aı merzimge áskerı qyzmetke shaqyrylsyn.
2. Osy qaýly alǵashqy resmı jarıalanǵan kúninen keıin kúntizbelik on kún ótken soń qoldanysqa engiziledi», - delingen qaýly mátininde.

Oǵan sáıkes, 2025 jyly áskerı qyzmetke shaqyrylýǵa jatatyn zapastaǵy ofıserlerdiń sany jarıalandy: 

• QR Qarýly Kúshterine – 700 zapastaǵy ofıser,
• QR Ulttyq qaýipsizdik komıtetiniń Shekara qyzmetine – 80,
• QR İshki ister mınıstrliginiń Ulttyq ulanyna – 131,
• QR Tótenshe jaǵdaılar mınıstrligine – 4.

Qaýly alǵashqy resmı jarıalanǵan kúninen keıin kúntizbelik 10 kún ótken soń qoldanysqa engiziledi.

Kelesi jyly merzimdi áskerı qyzmetke 18 ben 27 jas aralyǵyndaǵy 41 706 jigitti shaqyrý josparlanyp otyr. Qorǵanys mınıstrligi «Ashyq NQA» portalynda tıisti qaýly jobasyn jarıalady, dep habarlaıdy Ulys.

Qujatqa sáıkes, 2025 jylǵy naýryz-maýsymda jáne qyrkúıek-jeltoqsanda áskerge shaqyrýdy keıinge qaldyrýǵa nemese odan bosatylýǵa quqyǵy joq 18 jastan 27 jasqa deıingi 41 706 er-azamat merzimdi áskerı qyzmetke shaqyrylady.

Áskerge shaqyrý pýnkteri medısınalyq jumysty qamtamasyz etedi. Al İshki ister mınıstrligi áskerge shaqyrylatyndardy jınaý jáne áskerge jóneltý oryndarynda ishki ister organdary qyzmetkerleriniń kúsheıtilgen kezekshiligin uıymdastyrady.

Qaýly jobasy 13 jeltoqsanǵa deıin qoǵam talqysyna shyǵaryldy.

Byltyr Almatyda «Aqkent» deıtin turǵyn úıden órt shyǵyp, úreı boı aldyrǵan halyq balalaryn bıikten jerdegi tósenishke laqtyrǵan bolatyn. El ishinde osy oqıǵadan keıin órt sóndirýshilerdiń qalanyń bıik ǵımarattaryndaǵy órtti sóndirýge qaýqarsyz ekeni týraly syn kóp aıtyldy.

Al mınıstrlik órt sóndirý qyzmetiniń materıaldyq-tehnıkalyq bazasynda avtobaspaldaqtar bar ekenin aıtty. 
Degenmen mınıstrlik sol synnan qorytyndy shyǵaryp, zamanaýı tehnologıanyń jetistikterin órt sóndirý qyzmetine de kiriktirip jatyr deýge bolady. Mınıstrlik ondaǵan qabattyq bıik ǵımarattardaǵy órtti sóndirý úshin áýeli 2 dron satyp almaqshy. Pılottyq joba ózin aqtap jatsa, Astanadan bólek Almaty jáne ózge de  bıik ǵımaraty kóp qalalarǵa osy tájirıbe taratylmaq.

Bul drondar Qytaıdyń tehnologıasymen jasalǵanymen, Qazaqstanda qurastyrylady. Iaǵnı, tapsyrysty otandyq kompanıa alady. Bireýiniń baǵasy 120 mln teńgeden aspaıdy.
Mınıstrlik mamandary dron ózdigimen sý alyp ushpaıtynyn, órt sóndirý kóliginiń sý shashatyn shlangasyn kóterip ushatynyn aıtady. Iaǵnı, bul drondar ózdiginen sý tasymaıdy. Órt sóndirý kóligin tolyqtyratyn qosymsha qyzmet atqarady.

Jalyp TJM bıyl búdjet esebinen 728 arnaıy tehnıka men 18 myńnan astam qural-jabdyq satyp almaqshy.