بىلتىر جازدا پاۆلودار وبلىسى شارباقتى اۋدانىنداعى اۋىلداردىڭ بىرىندە تۋىسقان اعاسى زورلاپ، ارتىنان جۇكتى بولعان قىز بوسانعان ەدى. بۇگىن پاۆلودار وبلىسىندا وسى ىسكە قاتىستى سوت ءوتتى، دەپ حابارلايدى Ulys.

كۇدىكتى بولعان 17 جاستاعى بالا كامەلەت جاسىنا تولماعاندىقتان، سوت ونى 10 جىلعا باس بوستاندىعىنان ايىردى. سوتتىڭ بۇگىنگى شەشىمى ازىرگە زاڭدى كۇشىنە ەنگەن جوق.

جازدا وقۋشى قىزدىڭ بوسانعانى بەلگىلى بولعان سوڭ پاۆلوداو وبلىسىنداعى بالا قۇقىقتارى جونىندەگى ۋاكىل ساۋلە شاكەنوۆا 12 جاسار قىزدىڭ اۋىلىنا بارعان. قىز بالا وتباسىمەن پاۆلودار وبلىسى شارباقتى اۋدانى گالكينو اۋىلىندا ءومىر ءسۇرىپ جاتىر. اتاجۇرتقا كوشىپ كەلگەن قانداستاردى قازاقستانعا ەرتە كوشىپ كەلگەن تۋىستارى وسى اۋىلعا قونىستاندىرعان كورىنەدى.

استانا حالىقارالىق اۋەجايىندا كامران – استانا رەيسىمەن كەلگەن 30 جاستاعى ەلوردا تۇرعىنى ماس كۇيىندە ۇشاقتا جانجال شىعارعانى ءۇشىن قاماۋعا الىندى، دەپ حابارلايدى Ulys.

مالىمەتكە سۇيەنسەك، ەر ادام رەيس كەزىندە ايعايلاپ، بەيادەپ سوزدەر ايتقان جانە ەكيپاجدىڭ زاڭدى تالاپتارىنا باعىنباعان. وقيعاعا بايلانىستى كولىكتەگى پوليسيا قىزمەتكەرلەرى ونى ۇشاقتان ءتۇسىرىپ، اكىمشىلىك حاتتاما تولتىردى.

سوت قاۋلىسىمەن ءتارتىپ بۇزۋشى 5 تاۋلىككە قاماۋعا الىندى. سونىمەن قاتار ول قوعامدىق ورىندا ماس كۇيدە ءجۇرۋ، سپيرتتىك ىشىمدىك ءىشۋ جانە اۋە كەمەسىندەگى ءتارتىپتى بۇزعانى ءۇشىن اكىمشىلىك جاۋاپكەرشىلىككە تارتىلدى.

كولىكتەگى پوليسيا دەپارتامەنتى ازاماتتارعا قوعامدىق ورىنداردا، اسىرەسە اۋە رەيستەرىندە ءتارتىپ ساقتاۋدىڭ ماڭىزدىلىعىن ەسكەرتەدى.