ءساۋىر تۋار ساتتەن بەرى قارعىن سۋ حالىقتى ابىگەرگە سالىپ، ادام شىعىندارى تىركەلىپ ۇلگەردى. بيىلعى تاسقىندى قازاقستان تاريحىندا بۇرىن-سوڭدى بولماعان جاعداي دەپ سيپاتتاۋشىلار بار. ولاي دەيتىنى، ەلدىڭ بىرنەشە وڭىرىندە وبلىستىق، اۋداندىق دەڭگەيدەگى توتەنشە جاعداي رەجيمى جاريالانىپ، مىڭداعان ادام ءقاۋىپسىز جەرگە كوشىرىلىپ جاتىر. كەيبىر ساقتاندىرۋ كومپانيالارىنىڭ ەسەبى بويىنشا، حالىقتىڭ سۋعا كەتكەن مال-مۇلىگىنىڭ شىعىنى عانا 6 ملرد تەڭگەدەن اسىپ كەتكەن. ساقتاندىرۋ كومپانيالارىنىڭ دەرەگى قۇجاتقا قاتتالعان، رەسمي تىركەۋى بار دۇنيە بويىنشا جاسالعانىن ەسكەرسەك، قۇنتسىز اعايىننىڭ سۋعا كەتىپ، بۇلىنگەن دۇنيەسى ودان الدەقايدا كوپ بولۋى مۇمكىن.
سوڭعى دەرەكتەر بويىنشا تاسقىنمەن ارپالىسىپ جاتقان وتانداستارىنا قازاقستان حالقى 10 ميللياردتان استام تەڭگەنىڭ كومەگىن جەتكىزىپ تاستاعان.
ەلىمىزدىڭ تۇكپىر-تۇكپىرىنەن كۇن-تۇن دەمەي تولاسسىز كەلىپ جاتقان كومەكتىڭ ىشىندە قازاقستان حالقى اسسامبلەياسىنىڭ ۇلەسى دە بار.
اسسامبلەيا وكىلدەرى جەر-جەردەگى دوستىق ۇيلەرى ارقىلى تاسقىن قۇرساۋىنداعى حالىققا كومەك جيناپ جاتىر. سوڭعى دەرەك بويىنشا، وسى دوستىق ۇيلەرىنە حالىقتان 110 ميلليوننان استام تەڭگەنىڭ دۇنيەسى جينالعان.
اسسامبلەيانىڭ بۇل جۇمىسىنا «قحا جاستارى» مەن ەتنومادەني بىرلەستىكتەر، انالار كەڭەسى، مەدياسيا كەڭەسى، اقساقالدار كەڭەسى، كاسىپكەرلەر قاۋىمداستىعى اتسالىسۋدا.
استانا قالاسى
ەلوردادا اسسامبلەيا وكىلدەرى ەرىكتىلەردىڭ كومەگىمەن 5،2 ملن تەڭگەنىڭ كومەگىن جيناپ، 3 ساۋىردە قاراعنادى، اقمولا وبلىستارىندا قارعىن سۋدان زارداپ شەكككەن تۇرعىندارعا جولدادى. ول كومەكتىڭ سىرتىندا 1،5 توننا ۇن دا بار. ۆ ناستوياششەە ۆرەميا چلەنامي اسسامبلەي گورودا، ۆولونتەرامي وكازانا پوموشش نا وبششۋيۋ سۋممۋ 5 ملن 200 تەنگە.
الماتى قالاسى
الماتى قالاسىنىڭ دوستىق ءۇيى تاسقىنعا كومەك جيناۋ جۇمىستارىن 4 ساۋىردە باستادى.
شىمكەنت قالاسى
شىمكەنتتەگى كورەي ەتنومادەني بىرلەستىگىنىڭ وكىلدەرى 2،5 توننا ماكارون ونىمدەرىن، ەۆرەي جانە شەشەن-ينگۋش ەتونومادەني بىرلەستىكتەرى 2 مىڭ ليتردەن استام مينەرالدى اۋىزسۋ جيناپ بەرگەن.
ال ارميان، گرەك، تۇركى ەتنومادەني بىرلەستىكتەرى اقشالاي كومەك رەتىندە 500 مىڭ تەڭگە اۋدارعان. كۇرد دياسپوراسى 1 ملن تەڭگەنىڭ كورپە-جاستىعى مەن كيىم-كەشەگىن جولداعان.
اقمولا وبلىسى
«اسسامبلەيا جاستارى» جانە قوعامدىق كەلىسىم» ۇيىمدارىنىڭ ەرىكتىلەرى اسسامبلەيا وكىلدەرى جيناعان كومەكتىڭ العاشقى لەگىن وڭىردەگى 11 وتباسىعا دەتكىزدى.
كوكشەتاۋدا قارعىن سۋدان زارداپ شەككەندەرگە 400 مىڭ تەڭگەنىڭ ازىق-تۇلىگى مەن، كيىم-كەشەگى جەتكىزىلسە، ەۆاكۋسيالانعان حالىققا 800 مىڭ تەڭگەنىڭ ازىق-تۇلىگى، توسەك جابدىقتارى مەن گيگيەنا زاتتارى تاراتىلعان.
ال «سانگي-كابۋد» تاجىك ەتنومادەني بىرلەستىگى كوكشەتاۋدى قاردان ارشۋعا 3 تەگىش تەحنيكا مەن 2 كاماز جىبەرگەن. سونداي-اق، تۇرعىندارى تۇگەل كوشىرىلگەن قىزىل جۇلدىز اۋىلىنىڭ 45 وتباسىنا ازىق-تۇلىك بەرىلدى. تاجىك ەتنومادەني بىرلەستىگىنىڭ اقمولا وبلىسىنىڭ تاسقىنعا ۇشىرعان ەلدى مەكەندەرىنە بەرگەن كومەگى 6،4 ملن تەڭگەدەن اسادى. ال قىرعىز اعايىندار 1،5 ملن تەڭگەنىڭ توسەك جابدىقتارىن جيناپ بەرسە، ارميان ەتنومادەني بىرلەستىگىنىڭ وكىلدەرى تاسقىنمەن كۇرەسكە 3 جۇك كولىگى مەن 2 ەكسكاۆاتور، 3،1 ملن تەڭگە جىبەرگەن.
چۋۆاش، وزبەك ەتنومادەني بىرلەستىكتەرى دە بۇل ىستەن شەت قالماي، 800 مىڭگەنىڭ ازىق-تۇلىگى مەن ىستىق تاماعىن اپارعان.
اقتوبە وبلىسى
بۇل وڭىردە قوبدا، مۇعالجار، تەمىر، ايتەكە بي، ويىل اۋداندارى مەن اقتوبە قالاسىندا جەرگىلىكتى اۋقىمداعى توتەنشە جاعداي جاريالانعانى بەلگىلى.
«اسسامبەليا جاستىر» اقتوبەلىكتەرگە كومەك جيناۋ ءۇشىن 70 ەرىكتىنىڭ باسىن قوسىپ، حالىققا 14،5 ملن تەڭگەنىڭ كومەگىن كورسەتكەن.
الماتى وبلىسى
بۇل ايماقتاعى كۇرد، گرەك، ازەربايجان، شەشەن-ينگۋش ەتنومادەني بىرلەستىكتەرى جالپى سوماسى 5 ملن تەڭگەنىڭ گۋمانيتارلىق كومەگىن جيناعان.
اتىراۋ وبلىسى
وڭىردەگى شەشەن، ازەربايجان، ورىس ەتنومادەني بىرلەستىكتەرى 2 ملن تەڭگەنىڭ كومەگىن، ونىڭ ىشىندە كۇرەك، شەلەك، قاپ سياقتى تاسقىنمەن كۇرەسكە قاجەت زاتتارىن جولداپ وتىر.
شىعىس قازاقستان وبلىسى
شىعىس قازاقستانداعى دوستىق ۇيلەرى دە 4 ساۋىردە گۋمانيتارلىق كومەك جيناۋعا كىرىستى.
جامبىل وبلىسى
وبلىستىڭ تۇرىك، تاتار، باشقۇرت، قاراشاي، بالقار، وزبەك، تاتار، دۇنگەن، ۇيعىر، ەۆرەي، قىرعىز ەتنومادەني بىرلەستىكتەرى 29 ملن 400 مىڭ تەڭگەنىڭ كومەگىن ۇسىنعان.
جەتىسۋ وبلىسى
دوستىق ۇيلەرىنە جارتى ميلليونعا جۋىق تەڭگەنىڭ ازىق-تۇلىگى مەن كيىم-كەشەگى، كەڭسە تاۋارلارى جينالعان.
بقو
باتىس قازاقستانداعى ىسكەر ايەلدەرى بىرلەستىگى، بەلورۋس ورتالىعى، تاتار، شەشەن-ينگۋش، ارميان، نەمىس ەتنومادەني بىرلەستىكتەرىمەن بىرگە «بەلەس»، «وتدەل ستروي»، «جەلايەۆ»، «قازاق انالارى – داستۇرگە جول»، «تاريحي شەجىرە»، «ARTSTROY SERVIS 07»، «Faberlic»، «ASAR-UME» قورى، مەكەمەسى، «SBS GRUP»، «وتدەل ستروي ارۋوۆا»، «اكجايىك» پري «Petro-Unit»، «Salut Orto KZ»، «UR7»، «Medet Oral» ۇيىمدارى 29،2 ملن تەڭگەنىڭ گۋمانيتارلىق كومەگىن جيناپ بەرگەن.
قاراعاندى وبلىسى
بۇل ايماقتا «اسسامبلەيا جاستارى» جاساقتاعان ەرىكتىلەر «يمستالكون» اق، «شاحتەرسكوە» ج ش س باسشىلارى، تاجىكەتنومادەني بىرلەستىگىنىڭ وكىلدەرى قاراعاندى مەن قوستاناي وبلىستارىندا تاسقىننان زارداپ شەككەن تۇرعىندارعا 3،9 ملن تەڭگەنىڭ كومەگىن جونەلتكەن.
قوستاناي وبلىسى
«ۇلى دالا ۇرپاقتارى قوستاناي» قوعامدىق بىرلەستىگى، ازەربايجان جانە ەۆرەي ەتنومادەني بىرلەستىكتەرى، كورەي قاۋىمى، «اسسامبلەيا جاستارى» قۇرىلىمىنىڭ 30 بەلسەندىسى 3،2 ملن تەڭگەنىڭ گۋمانيتارلىق كومەگىن، 2 ملن تەڭگەنى اقشالاي زيناپ تاپسىرعان.
قىزىلوردا وبلىسى
جەرگىلىكتى اسسامبلەيا وكىلدەرى اقتوبە وبلىسىندا قارعىن سۋعا تاپ كەلگەن تۇرعىندارعا 1،2 ملن تەڭگەگە جىلى كيىمدەر مەن كورپە-جاستىق، 100 كەلى تۇرمىستىق حيميا مەن 100 كەلى ازىق-تۇلىك تابىستاعان.
ماڭعىستاۋ وبلىسى
وڭىردەگى اسسامبلەيا وكىلدەرى تاسقىنعا ۇشىراعان جەرلەستەرىنە كيىم، كورپە-جاستىق، ازىق-تۇلىك، گيگيەنا زاتتارى مەن بالالار تاۋارى، قۇرعاق ءسۇت پەن جايالىق تيەلگەن 1 گازەلدى اتتاندىردى.
پاۆلودار وبلىسى
«جۇرەكتەن جۇرەككە» اكسياسىنىڭ اياسىندا 750 مىڭ تەڭگەنىڭ ازىق تۇلىگى، جىلى كيىم مەن توسەك جابدىقتارى، ىدىس-اياق پەن گيگيەنا زاتتارى، دارى-دارمەك پەن تۇرمىستىق حيميا بۇيىمدارى جولداندى.
تۇركىستان وبلىسى
اسسامبلەيا وكىلدەرى تاسقىنعا كومەكتى 30-31 ناۋرىزدا باستاپ كەتكەن بولاتىن. ناتيجەسىندە اقتوبە وبلىسىندا تاسقىننان زارداپ شەككەندەرگە گۋمانيتارلىق كومەك تيەلگەن 2 فۋرا جونەلتىلگەن.
اباي وبلىسى
بۇل وبلىستا دوستىق ۇيلەرى گۋمانيتارلىق كومەك جيناۋعا 3 ساۋىردە كىرىستى.
ۇلىتاۋ وبىلسى
اسسامبلەيا وكىلدەرى تاستاعان ۇندەۋگە ۇلەس قوسقان «ZhezKengir» ج ش س ديرەكتورى مارحاببات قارعىن سۋدان زيان شەككەن جەزدى كەنتىنىڭ تۇرعىندارىنا ءسۇت، قانت، ءۇن، كۇرىش، ماكارون سياقتى ازىق-تۇلىك تيەلگەن 15 قوراپ كومەك جەتكىزدى. بۇل كاسىپكەر قوستاناي وبلىسىنداعى وتانداستارىنا25 قوراپ ازىق تۇلىك پەن 5 جاشىك كۇنباعىس مايىن جىبەردى.
ال شەشەن-ينگۋش ەتنومادەني بىرلەستىگى 200 مىڭ تەڭگەنىڭ ازىق-تۇلىگىن جولداعان.
