بايلانىس جانە اقپارات قىزمەتكەرلەرىنىڭ كۇنىنە وراي قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆانىڭ قاتىسۋىمەن «مەملەكەتتىك ءتىل جانە ب ا ق» رەسپۋبليكالىق كونكۋرسىنىڭ قورىتىندى سالتاناتتى شاراسى ءوتتى.
اتالعان مينيسترلىك باسپا ءسوز قىزمەتىنىڭ حابارلاۋىنشا، قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتى جانە «شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى» كوممەرسيالىق ەمەس اكسيونەرلىك قوعامى ۇيىمداستىرعان ءداستۇرلى بايقاۋعا 118 اۆتوردان 246 ماتەريال كەلىپ تۇسكەن. جۋرناليستەر ءتورت نوميناسيا بويىنشا ب ا ق سىناعان. ەرەجەگە سايكەس، ەل اۋماعىنداعى باق-تا جاريالانعان جۋرناليستىك ەڭبەكتەردىڭ مازمۇنى مەملەكەتتىك ءتىلدىڭ قىزمەت ەتۋ اياسىن كەڭەيتۋ، مارتەبەسىن نىعايتۋ، قازىرگى مەملەكەتتىك ءتىلدىڭ احۋالىن تالداۋ جانە وعان مونيتورينگ جۇرگىزۋگە باعىتتالعان.
كونكۋرسقا ۇسىنىلعان ماتەريالداردى ەلىمىزگە بەلگىلى جۋرناليستەردەن قۇرالعان ارناي كوميسسيا قاراپ، باعالاپ، جەڭىمپازداردى انىقتادى. «مەملەكەتتىك ءتىل جانە ب ا ق» بايقاۋىنىڭ باس جۇلدەسىن «ەگەمەن قازاقستان» گازەتىنىڭ ءجۋرناليستى بەكەن قايت ۇلى جەڭىپ الدى. جەڭىمپازعا 1 000 000 تەڭگەنىڭ سەرتيفيكاتى تابىستالدى.
«ۇزدىك ماقالا» نوميناسياسى
ءى يديگوۆ اتساليم سالاموۆيچ «وگني الاتاۋ» گازەتى، سەرتيفيكات – 500 000 تەڭگە؛
ءىى ءتاجىقۇل قاليما بۇحار قىزى «ايقىن» گازەتى، سەرتيفيكات – 350 000 تەڭگە؛
ءىىى ەسەنجول ازامات ەسەنجول ۇلى «استانا اقشامى» گازەتى، سەرتيفيكات – 150 000 تەڭگە.
«ۇزدىك راديوباعدارلاما» نوميناسياسى
ءى بەرىك بەيسەن ۇلى «Qamshy.kz»، سەرتيفيكات – 500 000 تەڭگە؛
ءىى يسايەۆ جانىبەك مىرقى ۇلى «Kyzylorda-news»، سەرتيفيكات – 350 000 تەڭگە؛
ءىىى مىقتىبايەۆ نۇرسۇلتان ەرتۋعان ۇلى «جايىق پرەسس»، سەرتيفيكات – 150 000 تەڭگە.
«ۇزدىك تەلەباعدارلاما» نوميناسياسى
ءى سارسەنعالييەۆ نارتاي ارالباي ۇلى «Qazaqstan»، سەرتيفيكات – 500 000 تەڭگە؛
ءىى يساباي ءالىمجان سابىرجان ۇلى «Qazaqstan»، سەرتيفيكات – 350 000 تەڭگە؛
ءىىى تۇرسىنعازينا اسەل تۇرسىنعازى قىزى «حابار»، سەرتيفيكات – 150 000 تەڭگە.
«ۇزدىك سايت ماقالاسى» نوميناسياسى
ءى مۇحتارقۇلوۆا گۇلبانۋ الپامىس قىزى «شالقار»، سەرتيفيكات – 500 000 تەڭگە؛
ءىى دجۋنيسوۆ رۋستەم ەرجانوۆيچ «Qazaq radiolary»، سەرتيفيكات – 350 000 تەڭگە؛
ءىىى ەلىمسارينا الميرا تىلەۋحان قىزى «Qazaq radiolary» سەرتيفيكات – 150 000 تەڭگە.
سونداي-اق شارا بارىسىندا 2019 جىلعى مادەنيەت، سپورت، تۋريزم، ءتىل سالالارىن بۇقارالىق اقپارات قۇرالدارىندا جان-جاقتى ناسيحاتتاۋعا ۇلەس قوسقان جۋرناليستەرگە مادەنيەت جانە سپورت ءمينيسترى اقتوتى رايىمقۇلوۆانىڭ العىس حاتى تابىستالدى. العىس حات العانداردىڭ اراسىندا ulys.kz اقپاراتتىق-ساراپتامالىق سايتىنىڭ باس رەداكتورى ەرجان قالىمباي ۇلى دا بار. ماراپاتتاۋ كەشى كونسەرتتىك باعدارلامامەن جالعاستى.
