مەملەكەت باسشىسىنا شىمكەنت قالاسىنىڭ اكىمى عابيت سىزدىقبەكوۆ پەن تۇركىستان وبلىسىنىڭ اكىمى دارحان ساتىبالدىنى قابىلدادى، دەپ حابارلايدى اقوردا.
شىمكەنت قالاسىنىڭ 2023 جىلعى الەۋمەتتىك-ەكونوميكالىق دامۋى جونىندە ەسەپ بەرىلدى.
عابيت سىزدىقبەكوۆتىڭ بايانداماسىنان:
— بىلتىرعى قورىتىندى بويىنشا نەگىزگى كاپيتالعا سالىنعان ينۆەستيسيا كولەمى 26% ارتىپ، 724،3 ملرد تەڭگەنى قۇرادى. بىلتىر 1 ملرد 51 ملن تەڭگەنىڭ ونەركاسىپتىك ءونىمى ءوندىرىلدى. قۇرىلىس سالاسى ايتارلىقتاي جاندانىپ، 1 ملن شارشى مەتردەن استام تۇرعىن ءۇي پايدالانۋعا بەرىلدى؛
— وڭىردە ونەركاسىپ سالاسىن دامىتۋ ءۇشىن جالپى اۋماعى 867 گەكتار بولاتىن 5 وندىرىستىك ايماققا ينفراقۇرىلىم تارتۋ جۇمىستارى قولعا الىنىپ، ينۆەستيسيالىق جوبالاردىڭ پۋلى جاساقتالعان؛
— ءقازىر 128 مىڭنان استام شاعىن جانە ورتا بيزنەس سۋبەكتىسى جۇمىس ىستەيدى. بۇل 2022 جىلمەن سالىستىرعاندا 16،4% كوپ. كاسىپكەرلىكتى دامىتۋ ءۇشىن 3498 جوباعا جالپى سوماسى 19،8 ملرد تەڭگە كولەمىندە قولداۋ كورسەتىلگەن؛
— قالادا جاڭا اۋەجاي تەرمينالىنىڭ قۇرىلىسى جانە تەمىرجول ۆوكزالىن رەكونسترۋكسيالاۋ جۇمىستارى جۇرگىزىلۋدە؛
— شاھاردا «ىزەتتى زەينەتكەر» ساۋىقتىرۋ ورتالىعى، كونگرەسس حولل، ۇستەل تەننيسى كەشەنى جانە جاڭا يپپودروم سياقتى نىساندار سالىنعان؛
— بىلتىر ءۇش مەكتەپكە قوسىمشا عيمارات، وقۋشىلار سارايى جانە بالالارعا ارنالعان شىعارماشىلىق ورتالىق اشىلعان؛
— «جايلى مەكتەپ» ۇلتتىق جوباسى اياسىندا 28 مىڭ وقۋشىعا ارنالعان 18 ءبىلىم بەرۋ مەكەمەسىنىڭ قۇرىلىسى باستالعان؛
— 233 شاقىرىم جولعا جوندەۋ جۇمىستارى جۇرگىزىلىپ، ۇلكەن جولايىرىق پايدالانۋعا بەرىلگەن؛
قوعامدىق قاۋىپسىزدىكتى قامتاماسىز ەتۋ ماقساتىندا بيىل قالا كوشەلەرىنە 3000 بەينەباقىلاۋ كامەراسىن ورناتۋ، 1000-عا جۋىق كوشەنى جارىقتاندىرۋ جوسپارلانعان. سوڭعى جىلدارى مۇنداي جۇيەلى شارانىڭ ناتيجەسىندە قىلمىس سانى 33% ازايعان؛
— جىلدار بويى قاراۋسىز قالعان بۇرىنعى فوسفورشىلار سارايى قالا بالانسىنا قايتارىلدى.
ورتالىقتاعى «سپۋتنيك» گۇلزارى مەملەكەت مەنشىگىنە ءوتىپ، دەمەۋشىلەر ەسەبىنەن قايتا اباتتاندىرىلدى.
قاسىم-جومارت توقايەۆ عابيت سىزدىقبەكوۆكە قالا ەكونوميكاسىن ودان ءارى ءارتاراپتاندىرۋ، قوسىمشا ينۆەستيسيا تارتۋ، سونداي-اق شاعىن جانە ورتا بيزنەستى قولداۋ شارالارىن كۇشەيتۋ جونىندە ناقتى تاپسىرمالار بەردى.
سونىمەن قاتار پرەزيدەنت تۇركىستان وبلىسىنىڭ اكىمى دارحان ساتىبالدىنى قابىلدادى. مەملەكەت باسشىسىنا تۇركىستان وبلىسىنىڭ بىلتىرعى الەۋمەتتىك-ەكونوميكالىق دامۋى تۋرالى ەسەپ بەرىلدى.
وتكەن جىلدىڭ قورىتىندىسى بويىنشا ايماقتىڭ نەگىزگى ماكروەكونوميكالىق كورسەتكىشتەرىندە وڭ ديناميكا بايقالادى.
اتاپ ايتقاندا، وڭىردەگى ونەركاسىپ ءونىمىنىڭ كولەمى 2،5% ءوسىپ، 1 ترلن تەڭگەدەن اسقان. وڭدەۋ ونەركاسىبىن دامىتۋ ءۇشىن جالپى سوماسى 30،2 ملرد تەڭگە بولاتىن 20 جوبا ىسكە قوسىلىپ، 594 جاڭا جۇمىس ورنى اشىلعان؛
الداعى 5 جىلدا ءوڭىردىڭ ءوز كىرىسىن 100 ملرد تەڭگەگە ارتتىرۋ جوسپارلانىپ وتىر.
الدىن الا ەسەپ بويىنشا بىلتىر جالپى وڭىرلىك ءونىم كولەمى 3،8 ترلن تەڭگە بولعان.
ال اۋىل شارۋاشىلىعىنداعى ءونىم كولەمى 1،1 ترلن تەڭگەنى قۇراعان. بۇل كورسەتكىش بويىنشا تۇركىستان وبلىسى رەسپۋبليكادا كوش باستاپ تۇر.
سالانى ءارتاراپتاندىرۋ ناتيجەسىندە 3،3 ملن توننا كوكونىس، باقشا ونىمدەرى جينالدى. بۇل — رەكوردتىق كورسەتكىش.
اۋىل شارۋاشىلىعىندا ءونىم كولەمىن ارتتىرۋعا، سۋدى ۇنەمدەۋگە ىقپال ەتەتىن جاڭا ادىس-تاسىلدەر مەن تەحنولوگيالار ەنگىزىلىپ جاتىر.
وبلىستاعى كاسىپكەرلىك سۋبەكتىلەرىنىڭ سانى 211 مىڭعا جەتىپ، 1،6 ترلن تەڭگەنىڭ ءونىمى وندىرىلگەن.
وبلىستا جالپى سوماسى 407،5 ملرد تەڭگە بولاتىن قۇرىلىس جۇمىستارى جۇرگىزىلىپ، 898،9 مىڭ شارشى مەتر تۇرعىن ءۇي پايدالانۋعا بەرىلگەن.
ءۇش مىڭعا جۋىق وتباسى باسپانالى بولدى.
بىلتىر بيۋدجەت ەسەبىنەن 35 مەكتەپتىڭ قۇرىلىسى جۇرگىزىلىپ، 20 مەكتەپ اشىلدى.
«جايلى مەكتەپ» جوباسى اياسىندا وبلىستا ءۇش جىل ىشىندە 49 مىڭ وقۋشىعا ارنالعان 63 مەكتەپ سالىنادى.
وتكەن جىلى وبلىستاعى 20 ەلدى مەكەنگە جاڭادان اۋىزسۋ قۇبىرى تارتىلدى. توعىز اۋىلداعى ەسكىرگەن سۋ تارتۋ جۇيەلەرى جاڭارتىلدى.
62 گازبەن قامتۋ نىسانىنىڭ قۇرىلىسى اياقتالىپ، 48 ەلدى مەكەنگە كوگىلدىر وتىن جەتكىزىلدى.
كەزدەسۋ سوڭىندا قاسىم-جومارت توقايەۆ وبلىس اكىمىنە حالىقتىڭ ءال-اۋقاتىن ارتتىرۋ، ءوڭىردىڭ ەكونوميكالىق جاعدايىن جاقسارتۋ جونىندە بەرگەن تاپسىرمالارىن جۇيەلى ءارى ساپالى ورىنداۋ قاجەت ەكەنىن ايتتى.
سونداي-اق تۇركىستان ءوڭىرىن دامىتۋ جۇمىستارىن جالعاستىرۋدى تاپسىردى.
