بۇگىن باكۋدە تۇركىتىلدەس ەلدەر پارلامەنتتىك اسسامبلەياسىنىڭ IX پلەنارلىق كەڭەسى وتەدى دەپ حابارلايدى trend.az سايتى. وندا جازىلعان اقپاراتقا قاراعاندا، القالى جيىننىڭ الدىندا تۇركيا ۇلى ۇلتتىق ءماجىلىسى ۇيىمنىڭ ءتوراعالىعىن ازەربايجاننىڭ پارلامەنتىنە سالتاناتتى تۇردە تابىس ەتەدى.
شاراعا تۇرىكپا-عا مۇشە ەلدەردىڭ پارلامەنت ءتوراعالارى باستاعان دەلەگاسيالارى مەن تۇركىلىك ۇيىمداردىڭ وكىلدەرى قاتىسادى. پلەنارلىق ماجىلىستە تۇرىكپا-نىڭ تۇراقتى كوميسسياسىنىڭ ەسەبى مەن ۇسىنىستارى قارالادى، مودەلدىك زاڭداردى قابىلداۋ جايى پىسىقتالىپ، قازاقستاندا بيىل وتكەن كەزەكتەن تىس پرەزيدەنتتىك سايلاۋعا تۇركىلىك قۇرىلىمدار تاراپىنان باقىلاۋشى بولعان حالىقارالىق ميسسيانىڭ ەسەبى تىڭدالىپ، زاڭدىق قۇجاتتاردىڭ قابىلدانۋ ماسەلەلەرى قارالادى. جيىن سوڭىندا باكۋ دەكلاراسياسى قابىلدانادى دەپ جوسپارلانىپ وتىر.
