Sybaılas jemqorlyqqa qarsy qyzmet Qaırat Satybaldy (keı jerde Satybaldyuly - avt.) qatysty tergeý nátıjelerin jarıalady, dep habarlaıdy Ulys.
Tergeý barysynda Q. Satybaldyuly óz kinásin tolyq moıyndady. Zalaldy tolyq ótedi jáne tergeýge kómek berdi.
Jalpy, 2022 jyldan bastap qazirge deıin Q. Satybaldyuly jáne onymen baılanysty tulǵalardan memleketke zańsyz satyp alynǵan 732,8 mlrd teńge nemese 1,6 mlrd AQSH dollarynan astam somaǵa múliktik aktıvter men aqshalaı qarajat qaıtaryldy. Onyń ishinde 661,5 mln AQSH dollary shetelden tabyldy, qysqa merzimde Qazaqstanǵa qaıtaryldy. Q. Satybaldyulymen belsendi yntymaqtastyq nátıjesinde Avstrıa, Lıhtenshteın, BAÁ, Túrkıa jáne t. b. elderden qaıtaryldy.
«Qaıtarylǵan aktıvterge ákimshilik ǵımarattar, eksklúzıvti zergerlik buıymdar, lúks úıler, páterler men avtomobılder, aksıalar men kompanıalardyń úlesteri, temirjol joldary men aqsha qarajattary kiredi, sonyń ishinde sheteldikter de bar», - dedi Antıkor.
Aıta keterligi, qaıtarylǵan aktıvterdiń jalpy somasy 732,8 mlrd teńgeni quraıdy, olar:
- «Qazaqtelekom» AQ aksıalarynyń 28,8% - 93,8 mlrd tg.
- «KSO» AQ – 30,2 mlrd tg.
- 4 kompanıadaǵy qatysý úlesi – 10,3 mlrd tg.
- Qazaqstandaǵy múliktik aktıvter – 158,5 mlrd tg.
- Eksklúzıvti zergerlik buıymdar – 105,39 mlrd tg. (230 mln.$)
- Qazaqstandyq shottardaǵy aqsha – 36,8 mlrd tg.
- Avstrıadan kelgen aqsha – 36,8 mlrd tg. (82,1 mln.$)
- Lıhtenshteınnen túsken aqsha – 116,7 mlrd tg. (260,5 mln.$)
- BAÁ-nen kelgen aqsha – 6,3 mlrd tg. (14 mln.$);
- Túrkıadan kelgen aqsha – 2,2 mlrd tg. (4,92 mln.$);
- Baǵaly qaǵazdardy satý – 135,8 mlrd tg. (300 mln dollar).
«Máselen, quny 158 mlrd teńgeden asatyn 115 qazaqstandyq obekt memlekettik menshikke berildi, onyń ishinde 73 jyljymaıtyn múlik obektisi (13 úı, 10 ǵımarat, 13 jer ýchaskesi, 4 páter, 3 ǵımarat, qosymsha salynǵan 2 medrese ǵımaraty, 2 turaq orny, 25 úı-jaı, 1 aıaqtalmaǵan qurylys obektisi), 37 jyljymaly múlik obektisi (29 avtomashına, 5 arnaıy tehnıka, 3 kvadrosıkl) jáne ózge de múlik bar. Múliktiń bir bóligi onyń jaqyn týystaryna, affılıırlengen tulǵalaryna jáne baqylaýdaǵy kompanıalarǵa rásimdelgen», - delingen Antıkor habarlamasynda.
Astana jáne Almaty qalalarynda memleketke berilgen ákimshilik ǵımarattardyń jalpy aýdany 180 myń sharshy metrden asady. Buryn bul aktıvter jalǵa berilip, jyl saıyn menshik ıesine mıllıardtaǵan tabys ákelgen, múlik qazir memleketke qaıtaryldy.
Lúks nysannyń biri – Aqmola oblysynyń Barap aýylynda jalpy aýdany 1,5 myń sharshy metr, jer ýchaskesi 135 gektar burynǵy Q. Satybaldyuly rezıdensıasy – Astana qalasynyń Bilim basqarmasyna berildi.
Bul qarajattar memleketke qaıtarylyp, áleýmettik maqsattarda paıdalanýǵa baǵyttaldy.
