Qazaqta «oń qolym bergendi, sol qolym bilmesin» degen tamasha támsil bar. Qazirgi kezde bul támsil óziniń qunyn túsire bastaǵandaı. Bergenin aıtpaýdy suraıtyn, bergen sadaqasy tek bir Jaratýshynyń rızashylyǵy úshin ǵana ekendigin aıtatyn jomart adamdar bar. Kópke topyraq shashýǵa bolmaıdy desek te sál jaqsylyǵy úshin jurttan iltıpat alǵysy keletinder de bar. Áleýmettik jeli men aqparattyq tehnologıalardyń kóz lestirmeı damýy, kóptegen adamnyń jeke ómiriniń kópshilikke jarıaly bolýyna keń jol ashyp otyr. Kedeı-kepshikke, joq-jitikke bir úzim nan berse de ony áleýmettik jelige jarıalap, osyndaı jaqsylyq jasap jatyrmyn dep jurttan laık jınaıtyn adamdar jeterlik.

Jalpy kedeı-kepshikti renjitpeý, jurttyń kózinshe ony yńǵaısyz jaǵdaıǵa túsirmeý úshin sadaqany basqalardan jasyryp bergen durys qaǵıda. Ol týraly dinimizde de aıtylady.

Ashyq sadaqadan jasyryn sadaqanyń saýaby kóp deıdi Ulys tilshisine Ýálıhan ımam.

 «Sadaqa týraly aıtqan kezde Qoja Ahmet Iassaýı oqıǵasy týraly mysaldy keltirgen durys bolady. Baıaǵyda bir kisi Qoja Ahmet Iassaýıge kelip, men sadaqa bereıin biraq saýaby kóp bolýy úshin kimge bereıindep suraq qoıady.(suraıdy maǵan sadaqa bersem saýaby kóp bolatyn, kimge bersem bolady deıdi.) Sonda ustaz kedeıge ber - 10 saýap.  Ol kisi joq ol az deıdi. Jetimge ber- 100 saýap. Ol da az deıdi. Týysqanyńa ber deıdi 1000 saýap deıdi, ata-anańa ber 10 000 saýap. Ol da az deıdi. Quran úırengen shákirtterge berse sheksiz saýap deıdi. Sondaı-aq Paıǵambarymyz óz hadısinde: Jomart – halyqqa, jumaqqa, Alla Taǵalaǵa jaqyn, biraq tozaqtan alys. Sarań – halyqtan, jumaqtan, Alla Taǵaladan alys, biraq tozaqqa jaqyn» degen. Sol sıaqty, nadan jomart – sarań ǵalymnan qaraǵanda Asa Uly Allaǵa súıkimdi», - dedi Ýálıhan ustaz.