Pavlodar oblysyna jumys sapary barysynda QR Premer-Mınıstri Oljas Bektenov komýnaldyq-energetıkalyq sektordy jańǵyrtý jumystarynyń barysymen jáne turǵyndardy jylýmen úzdiksiz qamtamasyz etý sharalarymen tanysty. Bul týraly Úkimettiń baspasóz qyzmeti habarlaıdy.
Ekibastuz JEO-da óńir ákimi Asaıyn Baıhanov Úkimet basshysyna jylýmen qamtý júıesin qalpyna keltirý aıasynda barlyq 10 qazandyqqa kúrdeli jóndeý jumystary júrgizilgenin habarlady. Stansa kórsetilgen parametrlerge sáıkes qalypty qýatynda jumys istep tur. Sonymen qatar 4 jylý magıstrali men oramishilik jeliler de kúrdeli jóndeýden ótti.
Qazirgi tańda Ekibastuzdyń jylýmen jabdyqtaý júıesine tehnıkalyq aýdıt júrgizilýde. 4 kezeńniń 3 kezeńi aıaqtaldy, jyl sońyna deıin barlyq magıstraldy jelilerdi sıfrlandyrý aıaqtalady.
Premer-Mınıstr Ekibastuzdyń jylýmen jabdyqtaý júıesin qalpyna keltirý prosesin jalǵastyrý qajet ekenin atap ótti. Úkimet tarapynan tolyqtaı qoldaý kórsetiletin bolady.
«Biz Ekibastuzdyń 2022 jyldyń qysynda qandaı qıynshylyqty bastan ótkergenin bilemiz. Memleket basshysynyń tapsyrmasy boıynsha Úkimet rezervinen jylýmen jabdyqtaý jelilerin jóndeýge jáne Jylý elektr ortalyǵyn jańǵyrtýǵa 16,4 mlrd teńge bólindi. Menshik ıelerimen birlesip, Jylý ortalyǵynyń turaqty jumysyn qamtamasyz etý boıynsha sharalar qabyldandy. Barlyq qazandyqtar jóndeýden ótti. Qalanyń jylý jelilerin jańǵyrtý boıynsha aýqymdy jumystar júrgizildi. Jumys qarqynyn arttyryp, jylý jelileri men jylý kózderi jabdyqtarynyń tozýyn azaıtý qajet», — dedi Oljas Bektenov.
Sondaı-aq óńir ákimi oblystyń úsh qalasynda jóndeý naýqanynyń josparyn usyndy. Ekibastuz qalasy boıynsha TM-I jáne TM-III jylý magıstraldaryn kúrdeli jóndeýdiń jobalaý-smetalyq qujattamasy ázirlendi. Birinshi kezekte sý jylytý sehyn kúl shyǵarý júıesimen qamtamasyz etý úshin tazartylǵan sý qubyryn salý qajet. Ekibastuzdaǵy káriz kolektory men Maıqaıyń sý qubyryn kúrdeli jóndeý jobalary ázirlendi. Pavlodarda TM-13 qurylysy, al Aqsý qalasynda oramishilik jylý jelileri kúrdeli jóndeýdi qajet etedi.
Premer-Mınıstr sondaı-aq «Prommashkomplekt» JSHS temirjol dóńgelekterin shyǵarý kásipornynyń qyzmetimen tanysty. Atalǵan zaýyt – 2012 jyldan beri jumys isteıdi jáne Qazaqstanda osyndaı ónim shyǵaratyn jalǵyz kásiporyn. Onyń assortımenti halyqaralyq standarttarǵa sáıkes keletin lokomotıvterge, júk jáne jolaýshylar vagondaryna arnalǵan temirjol dóńgelekteriniń 400-den astam túrin qamtıdy.
Qýattylyǵy jylyna 300 myń birlik ónim shyǵaratyn kásiporyndy iske qosý Ekibastuzda tolyqqandy temirjol klasterin qurýǵa jáne ımportty almastyrýǵa eleýli úles qosýǵa múmkindik berdi. Zaýyt respýblıkanyń QTJ jáne ónerkásiptik kásiporyndarynyń qajettilikterin ishinara óteıdi, sondaı-aq ónimdi Ázerbaıjan, Qyrǵyzstan, Reseı, Tájikstan jáne Ózbekstanǵa jetkizedi. Sondaı-aq eýropalyq naryqqa arnalǵan dóńgelekter óndirisin meńgerý josparda bar. Qazirgi ýaqytta tehnıkalyq qujattama daıyndalyp, óndiris prosesi uıymdastyrylýda.
Oljas Bektenov memleket temirjol salasyn damytýǵa erekshe kóńil bólip otyrǵanyn atap ótti, óıtkeni barlyq júk aınalymynyń shamamen 70%-y jáne jolaýshylar tasymalynyń 60%-ǵa jýyǵy temir joldardyń úlesine tıesili.
«Bul – Ortalyq Azıada balamasy joq biregeı kásiporyn. Sizderde turaqty tapsyrystar bar. Óndiris qýatyn arttyrý úshin múmkindikter jetkilikti. Atalǵan zaýyttyń tolyq júktelýin qamtamasyz etý mańyzdy», — dedi Premer-Mınıstr.
Úkimet basshysy ulttyq tasymaldaýshynyń suranysy negizinde ónimdi jetkizý boıynsha uzaqmerzimdi kelisimsharttar jasaı otytyrp, QTJ-men ózara is-qımyldy kúsheıtý múmkindikterin pysyqtaýdy tapsyrdy.
