Prezıdenttiń «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda berilgen tapsyrmasyn oryndaý maqsatynda Úkimet jol ınfraqurylymyn jaqsartý jónindegi aýqymdy memlekettik baǵdarlamany iske asyrýda. Atap aıtqanda, ol elimizdiń kólik jelisin damytýǵa baǵyttalǵan. Bul týraly Úkimettiń baspasóz qyzmeti habarlady.

2024 jyly jol-qurylys jumystarynyń kólemi rekordty 12 myń shaqyrymǵa jetedi, onyń 8 myń shaqyrymy elimizdiń óńirlerin baılanystyratyn strategıalyq mańyzy bar kólik kúre joldaryn qamtamasyz etetin respýblıkalyq joldardy quraıdy. Qalǵan 4 myń shaqyrymy – jergilikti mańyzy bar joldar.

Jyl sońyna deıin 7 myń shaqyrym joldyń qurylysy, rekonstrýksıasy jáne jóndeý jumystary aıaqtalady dep josparlanýda.

Búgingi tańda, mysaly, «Qaraǵandy – Almaty», «Taldyqorǵan – Óskemen» jáne «Aqtóbe – Atyraý – Astrahan» sıaqty iri kólik kúre joldaryn rekonstrýksıalaý jumystary aıaqtalady. Bul jobalar jol júrý ýaqytyn qysqartady, kólik shyǵyndaryn azaıtady ári jol qaýipsizdigin arttyrady. Atalǵan jobalardyń jalpy uzyndyǵy – 2 myń shaqyrym.

 Túrkistan oblysynda Shaqpaq baba asýynda týnel qurylysy aıaqtalyp qaldy. Onyń uzyndyǵy – 840 metr. Qurylys aımaq úshin úlken mańyzǵa ıe, óıtkeni asý «Batys Eýropa – Batys Qytaı» kólik dáliziniń kúrdeli bóligi bolyp sanalady. Qazirgi ýaqytta beton men asfált tóselip, negizgi qurylys jumystary aıaqtaldy. Búginde beınebaqylaý júıelerin, jeldetý jáne órtke qarsy jabdyqtardy ornatý boıynsha iske qosý-retteý jumysy júrgizilýde.

Kólik ınfraqurylymyn damytýdaǵy taǵy bir mańyzdy obekt – Almaty oblysyndaǵy Shamalǵan stansasynda avtomobıl joly ótpesiniń salynýy. Ótkeldiń ashylýy avtokólikterdiń temir joldardan qaýipsiz ári kedergisiz ótýin qamtamasyz etýi tıis.

Qazaqstannyń shyǵysynda uzyndyǵy 1 316 metr Buqtyrma sý qoımasy arqyly ótetin kópir ótkeliniń qurylysy aıaqtalýda. Kópirdiń ózinen bólek, joba jalpy uzyndyǵy 19 shaqyrym bolatyn kirme joldyń qurylysyn qamtıdy, bul Shyǵys Qazaqstan oblysynda kólik qatynasyn jaqsartýǵa múmkindik beredi. Qazirgi ýaqytta 21 tirekti ornatý jáne 20 metal aralyqty montajdaý jumystary aıaqtaldy. Kópir men kirme jolǵa asfáltbeton jamylǵysyn tóseý jumysy júrgizilýde.

Bul kópir óńir úshin strategıalyq mańyzǵa ıe, óıtkeni buryn shalǵaı aýdandardyń turǵyndary parom ótkelin paıdalanýǵa májbúr bolǵan. Jańa kópir jol júrý ýaqytyn qysqartyp qana qoımaıdy, sonymen qatar qozǵalys qaýipsizdigin qamtamasyz etedi.

Qazaqstan Respýblıkasynyń Kólik mınıstrligi jol ınfraqurylymyn damytýdyń 2029 jylǵa deıingi uzaqmerzimdi strategıasyn odan ári iske asyrýda. Máselen, bul baǵdarlamaǵa «Aqtóbe – Ulǵaısyn», «Qaraǵandy – Jezqazǵan» sıaqty perspektıvaly jobalar jáne Saryaǵash qalasyn aınalyp ótý qurylysy engizilgen. Barlyq joba bir merdiger uıymnyń joldy jobalap, salýyn jáne keıinnen kútip ustaýyn kózdeıtin ERSM-kelisimsharty boıynsha iske asyrylatyn bolady.

Sonymen qatar Qazaqstannyń ońtústik jáne ortalyq óńirlerin baılanystyratyn «Qyzylorda – Jezqazǵan» avtojolyn rekonstrýksıalaý jumysy bastaldy. Rekonstrýksıa jol tósemin jaqsartý, jol jıekterin nyǵaıtý jáne ınfraqurylymdy jańǵyrtý boıynsha keshendi jumysty qamtıdy. Bul joba uzaq ýaqytqa sozylǵan problemalardy sheshýge múmkindik beredi jáne osy magıstral boıynsha qaýipsiz ári jaıly qozǵalysty qamtamasyz etedi.

Buǵan qosa, avtojol ınfraqurylymyn damytý sheńberinde QDB arqyly qarjylandyrylatyn, qurylymdy kúsheıte otyryp, joldardy ortasha jóndeýdiń aýqymdy baǵdarlamasy iske qosyldy. Atalǵan baǵdarlama 20 jyldan astam jóndeý júrgizilmegen ýchaskelermen qosa, 2,5 myń shaqyrym respýblıkalyq joldardy qamtıdy.

Jobalar tizbesine «Jezqazǵan – Petropavl», «Qandyaǵash – Shalqar – Yrǵyz», «Qaraǵandy – Aıagóz – Boǵas» jáne «Semeı – Barnaýl» joldaryn ortasha jóndeýden ótkizý engizilgen. Bul jobalardy iske asyrý aldaǵy jyldarǵa qaýipsiz ári jaıly qozǵalysty qamtamasyz ete otyryp, búkil el boıynsha joldardyń jaǵdaıyn jaqsartýǵa yqpal etedi.