DINARA BISEMBINA «HABAR» TELEARNASY DIREKTORY QYZMETİNE TAǴAIYNDALDY

jetistik

04 qyrkúıek 2019

DINARA BISEMBINA «HABAR» TELEARNASY DIREKTORY QYZMETİNE TAǴAIYNDALDY

Tanymal jýrnalıs Bısembına Dınara «Habar» telearnasynyń dırektory qyzmetine taǵaıyndaldy. Ol ár jyldary bilim berý salasynda, buqaramen baılanys hám baspasóz qyzmeti salasynda da túrli jaýapty qyzmet atqarǵan. Bul jumysqa deıin Qyzylorda oblysy ákiminiń BAQ jáne qoǵammen baılanys máseleleri boıynsha keńesshisi bolyp jumys istedi.

Bısembına Dınara Asqarqyzy 1983 jyly dúnıege kelgen. L.N.Gýmılev atyndaǵy Eýrazıa ulttyq ýnıversıtetiniń jýrnalısıka fakúltetin bitirgen. Odan soń «Bolashaq» baǵdarlamasy boıynsha M.V.Lomonosov atyndaǵy Máskeý memlekettik ýnıversıteti jýrnalısıka fakúltetiniń ekonomıkalyq jýrnalısıka jáne jarnama kafedrasynda bilim alǵan. Fransıada buqaramen baılanys mamandyǵyn oqytý eýropalyq ınstıtýtynyń (IERP) «qoǵammen baılanas salasyndaǵy ınovasıa men úrdister, strategıa» modýldik baǵdarlamasyn oqyǵan, AQSH-tyń Nú-Iork qalasyndaǵy Kolýmbıa ýnıversıtetiniń Garrıman ınstıtýtynda tájirıbeden ótken. Eńbek ótilderi: «Lıter» respýblıkalyq qoǵamdyq-saıası gazetiniń tilshisi, «Sovetnık» (Reseı) jýrnalynyń redaktory, L.N.Gýmılev atyndaǵy Eýrazıa ulttyq ýnıversıtetiniń jýrnalısıka jáne saıasattaný fakúltetiniń aǵa oqytýshysy, Qorqyt Ata atyndaǵy Qyzylorda memlekettik ýnıversıteti qazaq tili men ádebıeti jáne jýrnalısıka kafedrasynyń aǵa oqytýshysy. QR Prezıdenti İs basqarmasynyń baspasóz hatshysy, «Atameken» Qazaqstan Respýblıkasy Ulttyq kásipkerler palatasynyń baspasóz hatshysy, «Bas redaktorlar klýby» qoǵamdyq birlestiginiń atqarýshy dırektory, «Nur Otan» partıasy ınternet resýrstary-medıa redaksıasynyń jetekshisi, «Habar» Agenttigi» anonstar jáne baǵdarlamarmen qamtamasyz etý bóliminiń basshysy, Qyzylorda oblysy ákiminiń BAQ jáne qoǵammen baılanys máseleleri boıynsha keńesshisi qyzmetterinde jumys istegen.

RELATED NEWS

jetistik

26 qarasha 2019

ERJANAR ÁSHEIHAN «QAZAQSTAN» TELERADIOKORPORASIASYNA» BASSHYLYQ QYZMETKE TAǴAIYNDALDY

Qazaqstan Respýblıkasy Aqparat jáne qoǵamdyq damý mınıstri Dáýren Abaevtyń buıryǵymen belgili jýrnalıs Erjanar Ásheıhan «Qazaqstan» RTRK» AQ Basqarma Tóraıymynyń orynbasary-Qoǵam Basqarmasynyń múshesi laýazymyna saılandy.

Erjanar Ásheıhan buǵan deıin «Qazaqstan» RTRK» aımaqtyq habar taratýdy damytý departamentiniń dırektory bolyp qyzmet atqaryp kelgen bolatyn. Ol eńbek jolyn 2003 jyly «Era» telekompanıasy» JSHS-da reporter qyzmetinen bastaǵan.

2006 jyldan beri «Qazaqstan» RTRK» AQ jumys istep keledi.

2012 - 2015 jyldar aralyǵynda «Qazaqstan» Korporasıasynyń Almaty qalasyndaǵy fılıalynda baǵdarlamalar óndirisi jónindegi shyǵarmashylyq birlestiktiń shef-redaktory, atqarýshy prodúseri qyzmetterin atqardy.

2017 jyldyń qarashasynan aımaqtyq habar taratýdy damytý departamentiniń dırektory qyzmetinde jumys istedi. BBC qory jarıalaǵan "Ortalyq Azıadaǵy ana men bala ólimi" taqyrybyndaǵy telebaıqaýdyń, 2014 jyly Ázirbaıjan astanasy Baký qalasynda ótken "TEFI-Dostastyq" halyqaralyq baıqaýynyń laýreaty. Ónertaný magıstri. Qazaq televızıasynyń 60 jyldyǵyna arnalǵan "Eldıdar" kitabynyń soavtory.

jetistik

10 jeltoqsan 2019

AQERKE ABYLAIHAN JAŃA QYZMETKE TAǴAIYNDALDY

Bilim salasyndaǵy bilikti menedjerlerdiń biri, «Bolashaq» baǵdarlamasynyń túlegi, PhD doktory Aqerke Abylaıhan Óskemen qalasynyń bilim bóliminiń basshysy bolyp taǵaıyndaldy. Resmı aqparatqa súıensek, jańa basshyny ujymyna jáne bilim berý uıymdarynyń dırektorlaryna qala ákimi Jaqsylyq Omar tanystyrǵan.

Aqerke Abylaıhan Shyǵys Qazaqstan oblysynyń týmasy. 1997 jyly «Bıologıa jáne hımıa pánderiniń muǵalimi» mamandyǵy boıynsha Sh.Qudaıbergenov atyndaǵy «Semeı» memlekettik ýnıversıtetin támámdaǵan. 2002-2005 jyldary «Bolashaq» halyqaralyq stıpendıasynyń doktorantýra baǵdarlamasy boıynsha Germanıanyń Hemnıs tehnıkalyq ýnıversıtetinde oqyǵan. Fılosofıa ǵylymdarynyń doktory, PhD-ǵylymdarynyń kandıdaty (Ph.D.) jáne jaratylystaný ǵylymdary boıynsha PhD-doktory (nemis júıesinde).

Eńbek jolyn Semeı memlekettik ýnıversıtetinde ıntern-pedagog retinde bastaǵan. Sodan keıin Ál-Farabı atyndaǵy QazUÝ-da, Hemnıs tehnıkalyq ýnıversıtetinde (Germanıa) ǵylymı qyzmetker bolyp jumys istedi.

2006 jyldan bastap 12 jyl boıy QR bilim jáne ǵylym mınıstrliginde kafedra meńgerýshisi, bilim jáne ǵylym mınıstrliginiń damý strategıasy departamentiniń halyqaralyq baǵdarlamalaryn iske asyrý bóliminiń basshysy, aqparattyq tehnologıalar departamenti dırektorynyń orynbasary jáne halyqaralyq yntymaqtastyq departamenti dırektorynyń orynbasary qyzmetterin, sonymen qatar, «Nur Otan» partıasy saıası basqarý akademıasy dırektorynyń orynbasary laýazymdaryn atqarǵan. Sońǵy jumys orny — Shymkent qalasynyń bilim basqarmasynyń (2018-2019) basshysy.

Aqerke Abylaıhan bilim jáne ǵylym mınıstrliginiń qurmet gramotasymen jáne belgisimen, «Qazaqstan Respýblıkasynyń bilim berý isiniń qurmetti qyzmetkeri», Aýǵanstannyń joǵary bilim mınıstrliginiń Qurmet gramotalarymen, TMD-nyń bilim berý jobalary jónindegi atqarýshy komıtetiniń, SHYU-nyń medalimen marapattalǵan. Osy jyldar aralyǵynda IýNESKO jáne ISESKO isteri jónindegi QR Ulttyq komısıasynyń materıaldyq emes mádenı murany qorǵaý jónindegi ulttyq komıtetiniń múshesi, TMD-nyń bilim berý jobalary boıynsha saraptamalyq tobynyń tóraǵasy, QR SİM-niń resmı damytý jónindegi jumys tobynyń múshesi boldy. 2018 jyly — BUU-nyń áıelder isi jónindegi ǵylymı keńesshisi.

Qazaq tilimen qatar orys, aǵylshyn jáne nemis tilderin erkin meńgergen.

jetistik

16 qyrkúıek 2019

DÝLAT ABIBÝLLAEV «QAZAQ RADIOLARYNYŃ» BAS REDAKTORY, "QAZAQ RADIOSYNYŃ" DIREKTORY BOLYP TAǴAIYNDALDY

«Qazaq radıolary» JSHS Bas redaktory, "Qazaq radıosynyń" Dırektory laýazymyna Abıbýllaev Dýlat Orynbasaruly taǵaıyndaldy.

Dýlat Abıbýllaev 1985 jyly týǵan. Ál-Farabı atyndaǵy Qazaq Ulttyq ýnıversıtetiniń jýrnalısıka fakúltetiniń túlegi. Sondaı-aq ekonomıs mamandyǵyn ıgergen. BAQ salasynda 12 jyldan astam eńbek ótili bar. Ár kezderi «31 telearna» medıaholdınginde redaktor, «Óner juldyzdary» respýblıkalyq jýrnalynda PR-menedjer, shef-redaktor, Bas redaktor, «Qazaqstan kásipodaǵy» gazetiniń Bas redaktory, QR Kásipodaqtary Federasıasynyń baspasóz-hatshysy qyzmetterin atqarǵan. 2012 jyldan beri «Kazaqstan» RTRK AQ quramynda jumys isteıdi, QR Prezıdentiniń, QR Úkimetiniń jýrnalıstik PÝL tobynyń tilshisi. «Altyn qalam», «Shabyt» Halyqaralyq shyǵarmashylyq baıqaýlarynyń júldegeri.

Jańalyqtar

25 qarasha 2025