Dıkıı Armanǵa qatysty qylmystyq toptyń 15 yqtımal múshesi ustaldy

Qylmys

Foto: akkaýnt v sossetáh/armandzhumageldiev 07 tamyz 2024

Dıkıı Armanǵa qatysty qylmystyq toptyń 15 yqtımal múshesi ustaldy - İİM

İİM uıymdasqan qylmysqa qarsy kúres departamenti qylmystyq toptardyń áreketine tosqaýyl qoıýǵa baǵyttalǵan is-sharalar keshenin júrgizip kele, dep habarlaıdy Polisia.kz saıtyna silteme jasap.

İİM málimetinshe, sońǵy eki jylda 140-tan asa osyndaı toptardyń qyzmeti toqtatylǵan. Krımınalıtettiń 550-den asa ókili jaýapqa tartylǵan.

"Asa qaýipti qylmystyq toptardy, onyń ishinde "qańtar oqıǵasy" kezinde jappaı tártipsizdikke qatysqandardy quryqtaý boıynsha belsendi kezeń aıaqtalyp jatyr. Bıylǵy tamyzda UQK jáne Bas prokýratýramen birlesip, Almaty jáne Shymkent qalalarynda bir ýaqytta "Dıkıı Armannyń" uıymdasqan qylmystyq tobynyń 15 yqtımal múshesine qatysty ustaý jáne tintý sharalary júrgizildi. Toptyń jetekshisi men negizgi músheleri qamaýǵa alynǵanymen, onyń basqa músheleri bostandyqta zańsyz áreketterdi jasaýdy jalǵastyrǵan", - dedi İİM uıymdasqan qylmysqa qarsy kúres departamentiniń basqarma bastyǵy Qýandyq Alpys.

40-tan asa tintý is-sharalary júrgizilip, atys, travmatıkalyq jáne sýyq qarý, sondaı-aq olardyń quqyqqa qaıshy qyzmetiniń ózge de zattaı dáleldemeleri tárkilendi. Barlyq kúdikti ýaqytsha ustaý ızolátoryna qamalǵan.

"Budan basqa, İİM qylmystyq-atqarý júıesi komıtetimen birlesip, uıymdasqan qylmystyq toptyń kóshbasshylary men negizgi qatysýshylary otyrǵan mekemelerde jedel jaǵdaıdy turaqsyzdandyrýǵa jol bermeý jáne tıisti rejımdi qamtamasyz etý jóninde sharalar qabyldanýda. Bul baǵyttaǵy jumys jalǵasatyn bolady", – dedi İİM uıymdasqan qylmysqa qarsy kúres departamentiniń basqarma bastyǵy Qýandyq Alpys.

RELATED NEWS

Qylmys

26 naýryz 2025

Pavlodarda týysqan qaryndasyn zorlaǵan jetkinshek 10 jylǵa sottaldy

Byltyr jazda Pavlodar oblysy Sharbaqty aýdanyndaǵy aýyldardyń birinde týysqan aǵasy zorlap, artynan júkti bolǵan qyz bosanǵan edi. Búgin Pavlodar oblysynda osy iske qatysty sot ótti, dep habarlaıdy Ulys.

Kúdikti bolǵan 17 jastaǵy bala kámelet jasyna tolmaǵandyqtan, sot ony 10 jylǵa bas bostandyǵynan aıyrdy. Sottyń búgingi sheshimi ázirge zańdy kúshine engen joq.

Jazda oqýshy qyzdyń bosanǵany belgili bolǵan soń Pavlodao oblysyndaǵy bala quqyqtary jónindegi ýákil Sáýle Shákenova 12 jasar qyzdyń aýylyna barǵan. Qyz bala otbasymen Pavlodar oblysy Sharbaqty aýdany Galkıno aýylynda ómir súrip jatyr. Atajurtqa kóship kelgen qandastardy Qazaqstanǵa erte kóship kelgen týystary osy aýylǵa qonystandyrǵan kórinedi.

Qylmys

20 tamyz 2025

Vetnamnan demalyp kelgen qazaqstandyq áýejaıǵa qonǵan bette qamaýǵa alyndy

Astana halyqaralyq áýejaıynda Kamran – Astana reısimen kelgen 30 jastaǵy elorda turǵyny mas kúıinde ushaqta janjal shyǵarǵany úshin qamaýǵa alyndy, dep habarlaıdy Ulys.

Málimetke súıensek, er adam reıs kezinde aıǵaılap, beıádep sózder aıtqan jáne ekıpajdyń zańdy talaptaryna baǵynbaǵan. Oqıǵaǵa baılanysty kóliktegi polısıa qyzmetkerleri ony ushaqtan túsirip, ákimshilik hattama toltyrdy.

Sot qaýlysymen tártip buzýshy 5 táýlikke qamaýǵa alyndy. Sonymen qatar ol qoǵamdyq orynda mas kúıde júrý, spırttik ishimdik ishý jáne áýe kemesindegi tártipti buzǵany úshin ákimshilik jaýapkershilikke tartyldy.

Kóliktegi polısıa departamenti azamattarǵa qoǵamdyq oryndarda, ásirese áýe reısterinde tártip saqtaýdyń mańyzdylyǵyn eskertedi.

Qylmys

04 naýryz 2025

Aqmola oblysynda ájesi nemeresin óltirip, denesin úıdiń aýlasynda kómgen

Aqmola oblysynyń Shýchınsk qalasynda asyrap alynǵan balanyń ólimine baılanysty sot úkimi shyqty, dep habarlaıdy Ulys.

HALYQSTAN habarlaýynsha, bes jylǵa jýyq ýaqyt boıy jan túrshigerlik qylmystyń izderi jasyrýly bolyp kelgen. Bul atyshýly is boıynsha bala asyrap alǵan anasy men ájesi sot aldynda jaýap berdi.

Bes jasar balanyń denesi úıdiń baqshasyna jerlengen, al bul sumdyq oqıǵa tek ótken kóktemde ǵana anyqtaldy. Qylmystyń beti kútpegen qateliktiń arqasynda ashylǵan.

Asyrap alǵan anasy basqa balasyn denesi kógerip júrgendikten aýrýhanaǵa alyp kelgen, alaıda qujattardy shatastyryp alǵan. Keıinirek onyń tórt jyl boıy qaıtys bolǵan balaǵa tıesili týý týraly kýálikti qoldanyp júrgeni anyqtaldy.

Basty kúdikti 65 jastaǵy ájesi birden qamaýǵa alynsa, 29 jastaǵy asyrap alǵan anasy da ýaqytsha ustaý ızolátoryna jiberildi.

Sot jabyq esik jaǵdaıynda ótip, úkim shyqty. Balanyń ájesi – 21 jylǵa, ógeı anasy 4 jylǵa bas bostandyǵynan aıyryldy.

Jańalyqtar

25 qarasha 2025