Aqtóbede kólikte tirideı janyp ketken 8 jolaýshynyń teń jartysy — oqýshylar
Aqtóbe-Atyraý tasjolynda bolǵan jol-kólik apaty kezinde 8 jolaýshy janyp ketti. Onyń teń jartysy oqýshy.
Jol-kólik oqıǵasyna baılanysty qylmystyq is qozǵalyp, tergeý júrýde.
Aqtóbe oblystyq bilim basqarmasy bolsa, qaza tapqandar arasynda 4 oqýshy bar ekenin habarlady.
«Jol apatyna ushyraǵan azamattardyń, balalardyń qazasyna kóńil aıtamyz, qaıǵysyna ortaqpyz. Qaza tapqandardyń arasynda kámelet jasyna tolmaǵan 4 bala bar. Olar densaýlyǵyna, otbasylyq sebepterge baılanysty jeke saparǵa shyqqan. Quzyrly organ qyzmetkerleri tergeý amaldaryn júrizýde», — dep habarlady Aqtóbe oblystyq bilim basqarmasynan.
Qaza bolǵandardyń barlyǵy Aqtóbe oblysy Temir aýdany Sarykól aýyldyq okrýgine qarasty Shubarshı aýylynyń turǵyndary.
Kólik apatyna ushyraǵan kólik Shubarshı aýylynan Aqtóbe qalasyna qaraı baǵyt alǵan.
