QR UQK baspasóz qyzmetiniń habarlaýynsha, atalǵan adamǵa áleýmettik jeli arqyly terorızmdi nasıhattady degen kúdik keltirilip otyr. Tergeý nusqasy boıynsha ol erterekte uzaq ýaqyt boıy alys shet elderdiń birinde turyp, radıkaldy ıdeologıany qabyldaǵan. Qylmystyq kodekstiń 256-baby 2-bóligi boıynsha sotqa deıingi tergep-tekserý júrgizilip jatyr.
«Ózge aqparat Qylmystyq-prosestik kodekstiń 201-baby 1-bóligine sáıkes jarıa etilmeıdi», — delingen UQK baspasóz qyzmetiniń habarlamasynda.
Bıyl Ramazan aıy 1 naýryz kúni bastalyp, 29 naýryz kúni aıaqtalady. 30 naýryz kúni elimizde Oraza aıt bastalady, dep habarlaıdy Ulys muftyat.kz silteme jasap.
Qazaqstan musylmandary dinı basqarmasy bekitken 2025 jyldyń dinı mereke kúnderiniń kestesine saı, bıyl oraza 1 naýryz bastalady. Qasıetti Qadir túni naýryz aıynyń 26-nan 27-ne qaraǵan túni bolady.
30 naýryz kúni elimizde Oraza aıt bastalyp, úsh kún jalǵasady. Qurban aıt 6 maýsymda bastalyp, 8 maýsymda bitedi. Eger 6-maýsym jumys kúnine tuspa-tus kelse, onda qazaqstandyqtar bir kún demalady.
Dımash Qudaıbergen Álemdik jáne dástúrli dinder kóshbasshylary seziniń izgi nıet elshisi bolyp taǵaıyndaldy, dep habarlaıdy Ulys.
Astanada ótip jatqan Álemdik jáne dástúrli dinder kóshbasshylary sezi hatshylyǵynyń HHİİ otyrysynda sıeziń İzgi nıet elshisi laýazymyna 5 adam usynyldy. Osy bes adamnyń ishinde ánshi Dımash Qudaıbergen de bar.
QR Ádilet mınıstrliginiń resmı ókili Talǵat Ýálı dinı neke men zańdy nekeniń aıyrmashylyǵyn aıtty, dep habarlaıdy Ulys.
Dinı rásimder boıynsha jasalǵan nekeniń Qazaqstan Respýblıkasy aýmaǵynda zańdy kúshi joq. Sáıkesinshe mundaı neke quqyqtyq retteý tetikterimen qorǵalmaıdy. «Sojıtelstvo», ıaǵnı eri men áıeldiń zańdy nekede turmastan birge ómir súrýi de neke retinde tanylmaıdy. Zańdy neke quzyretti memlekettik organda resmı tirkelýi tıis», - deıdi ol.
